ޕްރޮސިކިއުޓަރ ޖެނެރަލް ވ. އަޙުޝަމް ޢަބްދުﷲ

ބަންދުގައި ބަހައްޓަންޖެހޭ ޙާލަތެއް ނުފެންނާތީ ޝަރީޢަތް ނިމެންދެން ނުވަތަ ކޯޓުން އަންގަންދެން 60 (ރ) (2) ގެ ދަށުން ޝަރުޠުތަކާއެކު ދޫކޮށްލަން ފާދިއްޕޮޅު ނައިފަރު މެޖިސްޓްރޭޓް ކޯޓުން އަމުރުކުރި؛ ރިވިއުއަށް އެދުމުން ރިވިއުކުރުމުގެ ޟަރޫރަތެއް ނުފެނުނު.

މަސްތުވާތަކެތި ބޭނުންކޮށް ގެންގުޅެ ވިޔަފާރިކުރާކަމަށް ތުހުމަތުކުރެވި ކުށުގެ ވެށިން ހައްޔަރުކުރެވުނު ފަރާތެއް 15 ދުވަހު ބަންދުގައި ބެހެއްޓުމަށް އެދުނެވެ.

ޕްރޮސިކިއުޓަރ ޖެނެރަލް ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 22 (ޅ)، 59 އަދި 60 ވަނަ މާއްދާތަކާ ޚިލާފު، 63 ވަނަ މާއްދާއަށް ރިޢާޔަތްނުކޮށް، އަދި ޤާނޫނުއަސާސީގެ 143 (ރ) ގެ ދަށުން މަތީ ކޯޓުތަކުގެ ނިންމުންތަކަށް ތަބާނުވެ ނެރުނު އަމުރެއް ކަމަށެވެ.

މަސްތުވާތަކެތި ގެންގުޅެ ބޭނުންކޮށް ވިޔަފާރިކުރާކަމަށް ތުހުމަތުކުރެވޭ ފަރާތެއް، ބަންދުގައި ބަހައްޓަންޖެހޭ ޙާލަތެއް ނުފެންނާތީ ޖިނާއީ އިޖުރާއަތުގެ ޤާނޫނުގެ 60 ވަނަ މާއްދާގެ (ރ) ގެ ދަށުން ޝަރުޠުތަކާއެކު ދޫކޮށްލި މެޖިސްޓްރޭޓް ކޯޓުގެ އަމުރު ޤާނޫނާ އެއްގޮތްތޯ.

ދަށުކޯޓުގެ އަމުރު ބާޠިލު، ބަންދާމެދު އަލުން ނިންމުމަށް

ކުށަކީ ޖިނާއީ ބޮޑު ކުށަކަށްވެ، ކުށުގެ ވެށިން ހައްޔަރުކުރެވި ތުހުމަތު އުފެދޭ މިންވަރަށް ހެކި ހުރުމުން 60 (ރ) ގެ އިޚްތިޔާރު ލިބިނުދޭތީ އަމުރު ޚިލާފު ނަމަވެސް، މައްސަލަ ޝަރީޢަތުގައި ހުރުމުން ބަންދާމެދު ނިންމަންވާނީ މައްސަލަ ބަލާ ކޯޓުން.