ޕްރޮސިކިއުޓަރ ޖެނެރަލް ވ. މުޙައްމަދު ޒާމިލް

ކްރިމިނަލް ކޯޓުން މުޖުތަމަޢުގެ ސަލާމަތާއި ރައްކާތެރިކަމަށްޓަކައި އޭނާ 7 ދުވަހަށް ގޭގައި ބަންދުކޮށް ބެހެއްޓުމަށާއި، ބައްޔާ ގުޅޭ ލިޔެކިޔުން ފުލުހުންނަށް ހުށަހެޅުމަށް އަމުރުކުރިއެވެ.

މަސްތުވާތަކެތި ބޭނުންކުރުމާއި، ގެންގުޅުމާއި، ޓްރެފިކްކުރުމާއި، އެތެރެކުރުމުގެ ތުހުމަތުގައި ހައްޔަރުކުރެވުނު މީހެކެވެ.

ޕްރޮސިކިއުޓަރ ޖެނެރަލް ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 22(ޅ)، 59 އަދި 60 ވަނަ މާއްދާއާއި، މަތީ ކޯޓުތަކުގެ ނިންމުންތަކަށް ތަބާވުމުގެ (143(ރ)) އުޞޫލާ ޚިލާފު އަމުރެއްކަމަށެވެ.

މަސްތުވާތަކެތީގެ ބޮޑު ކުށެއްގެ ތުހުމަތުގައިވާ މީހަކު މުޖުތަމަޢުގެ ސަލާމަތަށްޓަކައި ބަންދުކުރުމަށް ނިންމާފައިވާއިރު، އޭނާ ގޭގައި ބަންދުކޮށް ބެހެއްޓުމަށް ކްރިމިނަލް ކޯޓުން ނެރުނު އަމުރު ޤާނޫނާ އެއްގޮތްތޯ.

ކްރިމިނަލް ކޯޓުގެ އަމުރުގައި ގޭގައި ބަންދުކުރުމަށް ނިންމި ނިންމުން ބާޠިލު؛ ބަންދާމެދު އަލުން ގޮތެއް ނިންމަންޖެހޭނީ މައްސަލަ ބަލާ ކޯޓުން

ތުހުމަތަކީ ބޮޑު ކުށެއްކަމާއި މުޖުތަމަޢަށް ނުރައްކާތެރިކަން ބޮޑު ކުށެއްކަމުން، ބަންދުކުރަންޖެހޭނީ މުޖުތަމަޢަށް ނުރައްކާ ނުފޯރުވޭނެ ތަނެއްގައެވެ. ސިއްޙީ ސަބަބަކާހުރެ ލުއި ދެވޭނީ އެފަދަ ޙާލަތެއް އޮތްކަން ކަށަވަރުކުރުމަށްފަހުގައެވެ. މައްސަލަ މިހާރު ޝަރީޢަތުގެ މަރުޙަލާގައިވާތީ ބަންދާމެދު ނިންމަންޖެހޭނީ ތަޙުޤީޤު ބަލާ ކޯޓުންނެވެ.