ޕްރޮސިކިއުޓަރ ޖެނެރަލް ވ. ޢަލީ ނާޝިދު ސުލައިމާން

ކްރިމިނަލް ކޯޓުން، ބަންދުގައި ބަހައްޓަންޖެހޭ ވަރުގެ ސަބަބެއް އޮތްކަމަށް ނުފެންނާތީ، ޝަރުޠުކޮށް ބަންދުން ދޫކުރުމަށް އަމުރުކުރިއެވެ.

ފިހާރައެއްގެ ޝަޓަރ ގޭޓް ހުޅުވައިގެން ވަދެ ކައުންޓަރު ދޮށުން ފައިސާ ވަގަށް ނެގިކަމުގެ ތުހުމަތުގައި ހައްޔަރުކުރި ފަރާތެއް މުޖުތަމަޢުގެ ސަލާމަތާ ރައްކާތެރިކަމަށްޓަކައި 15 ދުވަހަށް ބަންދުގައި ބެހެއްޓުމަށް ފުލުހުން އެދުނެވެ.

ޕްރޮސިކިއުޓަރ ޖެނެރަލް ބުނީ ތުހުމަތަކީ ޖިނާއީ ބޮޑު ކުށެއްކަމުން އަމުރަކީ ޤާނޫނުއަސާސީގެ 49 އާއި ޖިނާއީ އިޖުރާއަތުގެ ޤާނޫނުގެ 59 އާއި 60 (ށ) އާއި ޤާނޫނުއަސާސީގެ 143 (ރ) އާ ޚިލާފު އަމުރެއް ކަމަށެވެ.

ވައްކަމުގެ ތުހުމަތުގައި ހައްޔަރުކުރި މީހަކު ބަންދުގައި ނުބަހައްޓައި ޝަރުޠުކޮށް ދޫކޮށްލި ކްރިމިނަލް ކޯޓުގެ އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 59 އާއި 60 (ށ) އާއި ޤާނޫނުއަސާސީގެ 143 (ރ) އާ ޚިލާފު އަމުރެއްތޯ.

އިސްތިއުނާފު ބާޠިލް، ދަށުކޯޓުގެ އަމުރު ޤާއިމް

ފުލުހުންގެ ފޯމުގައި ވަގަށް ނެގި ފައިސާގެ މިންވަރު ބަޔާންކޮށްފައިނުވާތީއާއި ދެފަރާތުގެ ބަޔާނުގައި ތަފާތުތައް ހުރުމުން ޖިނާއީ ބޮޑު ކުށެއްކަމަށް ނުބެލޭތީ، ގަވާއިދުގެ 13 (ނ) ގެ ކަންކަމަށް ބަލާއިރު މުޖުތަމަޢަށް ނުރައްކާތެރި މީހެއްކަމަށް ނުފެންނާތީ، އަދި ތަޙުޤީޤަށް މަގުފަހިވާ ޝަރުޠުތަކާއެކު ދޫކޮށްލުމަކީ 60 (ރ) ގެ ދަށުން ފަނޑިޔާރަށް ލިބިދޭ އިޚްތިޔާރެއްކަމުން އަމުރަށް ބަދަލު ނުގެނައެވެ.