2016/HC-A/52

މުޖުތަމަޢުގެ ސަލާމަތާއި ރައްކާތެރިކަމަށްޓަކައި އަދި ހެކި ގެއްލުވާލުމަށް މަސައްކަތްކޮށްފާނެތީ، ތުހުމަތުކުރެވޭ ފަރާތް 10 ދުވަހަށް ގޭގައި ބަންދުކޮށްފައި ބެހެއްޓުމަށް ކްރިމިނަލް ކޯޓުން އަމުރުކުރިއެވެ.

އިތުރު ބަޔަކާއެކު މަސްތުވާތަކެތި ބޭނުންކޮށް ގެންގުޅެ ޓްރެފިކްކުރާކަމަށް ތުހުމަތުކުރެވޭ މީހެއްގެ ބަންދުގެ މުއްދަތު އިތުރުކުރުމަށް ފުލުހުން އެދުނެވެ.

އަމުރަކީ ޤާނޫނުއަސާސީގެ 49 ވަނަ މާއްދާއާއި، ބަންދާމެދު ގޮތެއް ނިންމުމުގެ ޤަވާޢިދުގެ 7(ހ) އާއި، ސުޕްރީމް ކޯޓުގެ 2010/SC-A/19 އާއި 2011/SC-A/33 ގައި ކަނޑައަޅާފައިވާ އުޞޫލުތަކާ ޚިލާފު އަމުރެއްކަމަށް ޕްރޮސެކިއުޓަރ ޖެނެރަލް ބުނެފައިވެއެވެ.

މަސްތުވާތަކެތީގެ ޓްރެފިކިންގެ ތުހުމަތުގައި، މުޖުތަމަޢަށް ނުރައްކާތެރި ކަމަށް ކަނޑައަޅާފައިވާ މީހަކު ގޭބަންދުގައި ބަހައްޓަން ކްރިމިނަލް ކޯޓުން ނެރުނު އަމުރު ޞައްޙަތޯއާއި، އަމުރުގެ މުއްދަތު ހަމަވުމުން ހައިކޯޓުން އިތުރު އަމުރެއް ކުރަންޖެހޭތޯ.

ދަށުކޯޓުގެ އަމުރު ބާޠިލު (އަމުރުގެ ފާޢިލިއްޔަތު ނެތިގޮސްފައިވާތީ އިތުރު އަމުރެއް ނުކުރެ)

މުޖުތަމަޢަށް ނުރައްކާތެރި ކަމަށް ކަނޑައަޅައިގެން ގޭބަންދަށް ފޮނުވުމަކީ ހައިކޯޓުގެ ކުރީގެ ނިންމުންތަކާ ޚިލާފު ކަމެކެވެ؛ ބަންދުކުރާނެ ތަން ކަނޑައަޅަންވީ މިނިސްޓްރީ އޮފް ހޯމް އެފެއާޒުންނެވެ. ނަމަވެސް އަމުރުގެ ފާޢިލިއްޔަތު ނެތިގޮސްފައިވާތީ އިތުރު އަމުރެއް ކުރުމުގެ މަޞްލަޙަތެއް ނެތެވެ.