ޕްރޮސިކިއުޓަރ ޖެނެރަލް ވ. މުޙައްމަދު ޝުހާދު ނުޢުމާން

ކްރިމިނަލް ކޯޓުން ޝަރީޢަތުގެ މަޖިލީހުގައި ވި އިޢުތިރާފުން ކުށް ސާބިތުކޮށް 27 ދުވަހުގެ ޖަލާއި 40 ޖަލްދު ކަނޑައެޅިއެވެ.

ތުހުމަތުކުރެވޭ ފަރާތާ ފުލުހުން ސުވާލުކުރުމުން ބަނގުރާ ބޭނުންކުރާކަމަށް އިޢުތިރާފުވުމުން ބަނގުރާ ބުއިމުގެ ކުށުގެ ދަޢުވާ ކުރިއެވެ. ޕްރޮސިކިއުޓަރ ޖެނެރަލް ހައިކޯޓަށް ހުށަހެޅީ ސުޕްރީމް ކޯޓުގެ ސަރކިއުލަރގެ ދަށުން ޙުކުމުގެ ޞައްޙަކަން ކަށަވަރުކުރުމަށެވެ.

ޕްރޮސިކިއުޓަރ ޖެނެރަލް އެދުނީ އިޢުތިރާފު ޞައްޙަކަމާއި، ދަޢުވާ ލިބޭ ފަރާތަށް ޤާނޫނުއަސާސީގެ ޙައްޤުތައް ލިބިދީފައިވާކަމާއި، ޙައްދު ޖެހުން މަނާކުރާ ސަބަބެއް ނެތްކަން ކަށަވަރުކޮށްދިނުމަށެވެ. ދަޢުވާ ލިބޭ ފަރާތް ޙުކުމްކުރުމުގެ މަޖިލީހަށް ޙާޟިރުނުވިއެވެ.

ޝަރީޢަތުގެ މަޖިލީހުގައި ވި އިޢުތިރާފުގެ މައްޗަށް ބަނގުރާ ބުއިމުގެ ކުށް ސާބިތުކޮށް 27 ދުވަހުގެ ޖަލާއި 40 ޖަލްދު ކަނޑައެޅި ޙުކުމަކީ ޞައްޙަ ނިހާއީ ޙުކުމެއްތޯ (ސުޕްރީމް ކޯޓުގެ 2015/14/SC ސަރކިއުލަރގެ ދަށުން ކަށަވަރުކުރުން).

ދަށުކޯޓުގެ ޙުކުމް ޞައްޙަ، ޤާއިމް

ދަޢުވާ ސާފުކޮށްދީ ވަކީލުގެ ޙައްޤު ދޫކޮށްލާފައިވާކަމާއި، އިޢުތިރާފަކީ އަމިއްލަ އިޚްތިޔާރުގައި ވެފައިވާ ޞައްޙަ އިޢުތިރާފެއްކަމާއި އެއިން ރުޖޫޢަވެފައި ނުވާކަމާއި، ކުށުގެ ރުކުންތައް ފުރިހަމަވާކަމާއި، އަދަބު ކަނޑައެޅީ ޤާނޫނާ އެއްގޮތަށްކަން ފާހަގަކޮށް ޙުކުމް ޞައްޙަކަމަށް ކަނޑައެޅިއެވެ.