ޕްރޮސިކިއުޓަރ ޖެނެރަލް ވ. މުޙައްމަދު މަފާޛު ޙުސައިން ސަލީމް

ކްރިމިނަލް ކޯޓުން، ކުށުގެ ރެކޯޑު އެނގޭ ލިޔުމެއް ހުށަނާޅާތީ ރެކޯޑު ނެތްކަމަށާއި ކުރިން ކުށެއް ސާބިތުވެފައި ނުވާކަމަށް ބަލައި، މުޖުތަމަޢަށް ނުރައްކަލެއް ނުފެންނާތީ ޝަރުޠުތަކާއެކު ބަންދުން ދޫކުރިއެވެ.

މާލޭގައި ގުރޫޕުތަކުގެ މާރާމާރީއާ ގުޅިގެން ފުލުހުން ފެނުމުން ފިލަން ދުވި ގުރޫޕެއްގައި ތުހުމަތުކުރެވޭ ފަރާތުގެ އަތުން ބެނެޓް ވަޅިއެއް ވެއްޓިކަމަށް ބުނެ، ތޫނު އެއްޗެއް ގެންގުޅުމުގެ ދަޢުވާ ކްރިމިނަލް ކޯޓަށް ހުށަހަޅައި ޝަރީޢަތް ނިމެންދެން ބަންދަށް އެދުނެވެ.

ދައުލަތުން ބުނީ ޤާނޫނު ނަންބަރު 12/2016 (ޖިނާއީ އިޖުރާއަތުގެ ޤާނޫނު) ގެ 59 ވަނަ މާއްދާގެ ކަންކަމަށް ރިޢާޔަތްނުކުރިކަމަށާއި ކުރީގެ އަމުރުތަކުގައި ރެކޯޑު އޮތްކަމަށް ބުނެފައިވާތީ ޖުޑީޝަލް ނޯޓިސް ނަގަންޖެހޭކަމަށާއި ޙާލަތު ބަދަލުވި ގޮތް ބަޔާންނުކުރާކަމަށެވެ. ރައްދުވާ ފަރާތުން ބުނީ ކުށަކީ ބޮޑު ކުށެއް ނޫންކަމަށާއި ރެކޯޑު ހުށަނާޅާކަމަށާއި އެހެން ބަޔަކު ދޫކުރުމުން މިއީ ތަފާތުކުރުމެއްކަމަށެވެ.

ޝަރީޢަތް ނިމެންދެން ބަންދުކުރަން ޕްރޮސިކިއުޝަނުން އެދުނު ތޫނު އެއްޗެއް ގެންގުޅުމުގެ ތުހުމަތުކުރެވޭ ފަރާތް، ކުށުގެ ރެކޯޑު ހުށަނާޅާތީ ރެކޯޑު ނެތްކަމަށް ބަލައި ޝަރުޠުތަކާއެކު ދޫކުރުމަކީ ޖިނާއީ އިޖުރާއަތުގެ ޤާނޫނުގެ 59 ވަނަ މާއްދާއާ އެއްގޮތްތޯ.

ކްރިމިނަލް ކޯޓުގެ ބަންދުން ދޫކުރުމުގެ އަމުރު ބާޠިލު، އަލުން ގޮތެއް ނިންމުމަށް ކްރިމިނަލް ކޯޓަށް އެންގި

ކުށުގެ ރެކޯޑު ބެލުމަކީ ފަނޑިޔާރުގެ ޒިންމާއެއް ކަމުން ހުށަނާޅާތީ ރެކޯޑު ނެތްކަމަށް ބެލުމަކީ ވާޤިޢީ ގޯހެކެވެ؛ ކުރީގެ އަމުރުގައި ރެކޯޑު އޮތްކަން ބަޔާންކޮށްފައިވެއެވެ. މައްސަލައިގެ ވަށައިގެން ފާޅުގައި ފެންނަ ކަންކަމަށް ނުބަލާ ދޫކުރުމުން އަމުރު ބާޠިލުކުރެވުނެވެ.