ޕްރޮސިކިއުޓަރ ޖެނެރަލް ވ. އިސްމާޢީލް ޢަބްދުއްރަޙީމް

ކްރިމިނަލް ކޯޓުން، އެހެން ދެ ތުހުމަތުކުރެވޭ މީހުން ދޫކޮށްލާފައިވާތީ، ތަޙްޤީޤު ނިމި އިތުރު ހެއްކެއް ނެތްތީ އަދި އިނގިލީގެ ނިޝާން ދިމާނުވާތީ، ޖިނާއީ އިޖުރާއަތުގެ ޤާނޫނުގެ 60 (ރ) ގެ ދަށުން ޝަރުޠުކޮށް ބަންދުން ދޫކޮށްލި.

މަސްތުވާތަކެތި ބޭނުންކޮށް ވިޔަފާރިކުރާ ތުހުމަތުގައި ފުލުހުން ގެއެއް ބަލާފާސްކުރުމުން ކެނަބިސް ކަމަށް ޕޮޒިޓިވް ތަކެތި ފެނި، ތުހުމަތުކުރެވޭ ފަރާތުގެ ޔޫރީން ޓެސްޓް ކެނަބިސްއަށް ޕޮޒިޓިވްވި؛ ތަޙްޤީޤު ނިމި މައްސަލަ ޝަރީޢަތަށް ހުށަހަޅާފައިވި.

ޕްރޮސިކިއުޓަރ ޖެނެރަލް ބުނީ އަމުރަކީ ޤާނޫނުއަސާސީގެ 49 އާއި ޖިނާއީ އިޖުރާއަތުގެ ޤާނޫނުގެ 22 (ޅ)، 59، 60، 63 ވަނަ މާއްދާއާއި ޤާނޫނުއަސާސީގެ 143 (ރ) ގެ ތަބާވުމުގެ އުޞޫލާ ޚިލާފު އަމުރެއްކަމަށެވެ.

މަސްތުވާތަކެތީގެ ވިޔަފާރީގެ ތުހުމަތުގައި ބަންދުގައި ތިބި ފަރާތެއް ތަޙްޤީޤު ނިމި، އެހެން ތުހުމަތުކުރެވޭ މީހުން ދޫކޮށްލާފައިވާކަމާއި އިތުރު ހެއްކެއް ނެތްކަމަށް ބުނެ ކްރިމިނަލް ކޯޓުން ޝަރުޠުކޮށް ދޫކޮށްލި އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 59، 60 ވަނަ މާއްދާއާ އެއްގޮތަށް ނެރުނު އަމުރެއްތޯ.

ދަށުކޯޓުގެ އަމުރު (ބަންދުން ދޫކޮށްލުން) ބާޠިލު؛ ބަންދާމެދު އަލުން ގޮތެއް ނިންމަން ޝަރީޢަތް ކުރާ ކޯޓަށް

ކުށުގެ ބާވަތާއި ހެކި ޤަރީނާއަށް ބަލާއިރު ދޫކޮށްލުމަކީ ކުށް ތަކުރާރުކުރުމުގެ ފުރުޞަތު ލިބި މުޖުތަމަޢުގެ ސަލާމަތަށް ނުރައްކަލެއް ކަމަށް ބެލެވޭތީ އަމުރަށް ބަދަލު ގެންނަން ޖެހޭ ނަމަވެސް، މައްސަލަ ޝަރީޢަތުގައި އޮތުމުން ބަންދާމެދު ނިންމަންޖެހޭނީ މައްސަލަ ބައްލަވާ ކޯޓުން ކަމަށް ކަނޑައެޅި.