ޕްރޮސިކިއުޓަރ ޖެނެރަލް ވ. ޙުސައިން ޢަބްދުލްޙަކީމް

ކްރިމިނަލް ކޯޓުން ބަންދު މުރާޖަޢާކޮށް، ޓްރެފިކްކުރުމުގައި ބައިވެރިވިކަމުގެ މުވާޞަލާތެއް ނުވަތަ މުޢާމަލާތެއް ނުފެންނަކަމަށާއި އޭނާގެ ބަޔާނަށް އެހެން ބަޔާނަކުން ބާރުލިބޭކަމަށް ބުނެ ބަންދުން ދޫކޮށްލިއެވެ.

ބޭރުގެ ފަރާތްތަކާ ގުޅިގެން ރާއްޖެއަށް މަސްތުވާތަކެތި އެތެރެކޮށް ޓްރެފިކްކުރި ކަމުގެ ތުހުމަތުގައި ހައްޔަރުކުރެވި، މުޖުތަމަޢުގެ ސަލާމަތަށް ނުރައްކާތެރިކަމަށް ބުނެ ޝަރީޢަތް ނިމެންދެން ބަންދުކުރެވުނު ފަރާތެކެވެ.

ދައުލަތުން ބުނީ ބަންދުކުރަންޖެހޭ ޙާލަތު އޮއްވާ، ޙާލަތު ބަދަލުވިގޮތެއް ނުދައްކައި، ހެކި ވަޒަންކުރި ގޮތް ސާފުނުކޮށް ދޫކޮށްލީ ކަމަށެވެ. ތުހުމަތުކުރެވޭ ފަރާތުން ބުނީ ބަންދުގައި ބަހައްޓާނެ ވަރުގެ ހެކި ނެތުމުން ސަބަބު ބަޔާންކޮށް ދޫކޮށްލީ ކަމަށެވެ.

ޝަރީޢަތް ނިމެންދެން ބަންދުކޮށްފައިވާ ފަރާތެއް ބަންދު މުރާޖަޢާކޮށް ދޫކޮށްލި ކްރިމިނަލް ކޯޓުގެ އަމުރަކީ ބަންދާމެދު ގޮތެއް ނިންމާއިރު ރިޢާޔަތްކުރަންޖެހޭ ކަންކަމަށް ރިޢާޔަތްކޮށް، ސަބަބު އެކަށީގެންވާ ގޮތުގައި ބަޔާންކޮށް ނެރުނު އަމުރެއްތޯ.

ކްރިމިނަލް ކޯޓުގެ ބަންދުން ދޫކުރި އަމުރު ބާޠިލު

ދަށުކޯޓުން ރިޢާޔަތްކުރީ ހަމައެކަނި ދެފަރާތުން ހުށަހެޅި ކަންކަމަށެވެ؛ ހެކި ހުރުމާއި، ނުރައްކާ ފިލައިނުދިޔުމާއި، ކުރީގެ ރެކޯޑާއި ކުށުގެ ބޮޑުމިނަށް ބަލާއިރު ނިންމުމަށް ވާޞިލުވީ ވާޤިޢާތަކަށް އެކަށީގެންވާ ގޮތުގައި ރިޢާޔަތްކޮށްގެންކަން ސާފެއް ނުވެއެވެ.