ޕްރޮސިކިއުޓަރ ޖެނެރަލް ވ. މަރްޔަމް ޚަލީލާ

ހައްދުންމަތީ މާމެންދޫ މެޖިސްޓްރޭޓް ކޯޓުން އިޢުތިރާފުގެ މައްޗަށް ކުށް ސާބިތުކޮށް 100 އެތިފަހަރުން ޙައްދު ޖެހުމަށާއި 1 އަހަރު ގޭބަންދަށް ޙުކުމްކުރިއެވެ.

ދަޢުވާލިބޭ ފަރާތް ވިހެއި ކުއްޖަކީ ޒިނޭކޮށްގެން ލިބުނު ކުއްޖެއްކަމަށް ތަޙްޤީޤުގައާއި ޝަރީޢަތުގައި އިޢުތިރާފުވިއެވެ.

ޕްރޮސިކިއުޓަރ ޖެނެރަލް ހައިކޯޓަށް ހުށަހެޅީ އިޢުތިރާފު ޞައްޙަތޯއާއި، ދަޢުވާލިބޭ ފަރާތުގެ ޙައްޤުތައް ލިބިދީފައިވޭތޯއާއި، ޙައްދު ޖެހުން މަނާކުރާ ސަބަބެއް ނެތްތޯ ކަށަވަރުކޮށްދިނުމަށެވެ.

ޒިނޭކުރިކަމަށް ދަޢުވާލިބޭ ފަރާތް ވި އިޢުތިރާފުގެ މައްޗަށް ޙައްދު ޖެހުމަށާއި ގޭބަންދަށް ދަށުކޯޓުން ކުރި ޙުކުމް، ސުޕްރީމް ކޯޓުގެ 2015/14/SC ސަރކިއުލަރގެ ދަށުން ނިހާއީ ޙުކުމެއްގެ ގޮތުގައި ޞައްޙަތޯ ކަނޑައެޅުން.

ދަށުކޯޓުގެ ޙުކުމް ޞައްޙަ، ޤާއިމް

ހައިކޯޓުން ސުވާލުކުރުމުން ދަޢުވާލިބޭ ފަރާތް އިޢުތިރާފު ވީކަން ކަށަވަރުކޮށްދީ، އަމިއްލަ އިޚްތިޔާރުގައި ހަމަބުއްދީގައި ވި އިޢުތިރާފުން ރުޖޫޢުވެފައި ނުވާކަމާއި، ޤާނޫނުއަސާސީގެ ޙައްޤުތަކުން މަޙްރޫމްކޮށްފައި ނުވާކަމާއި، ޙައްދު މަނާކުރާ ސަބަބެއް ނެތްކަން ކަނޑައެޅިއެވެ.