ޕްރޮސިކިއުޓަރ ޖެނެރަލް ވ. އިސްމާޢީލް ޝަރީފް

ކްރިމިނަލް ކޯޓުން ތަޙްޤީޤުގައި ގިނަ ދުވަސް ބަންދުގައި ހުރުމާއި ތަޙްޤީޤުގެ ބޮޑު ބައި ނިމިފައިވުމާއި ކުށުގެ ރެކޯޑު ގިނަ ފަރާތަކަށް ނުވާތީ ޝަރުޠުކޮށް ބަންދުން ދޫކުރިއެވެ.

ފުލުހުންގެ އިންޓެލިޖެންސް މަޢުލޫމާތާ ގުޅިގެން ތުހުމަތުކުރެވޭ ފަރާތް ހައްޔަރުކޮށް އޭނާ ދިރިއުޅޭ އެޕާޓްމަންޓް ބަލާފާސްކުރުމުން ގިނަ ޢަދަދެއްގެ މަސްތުވާތަކެތިކަމަށް ޝައްކުކުރެވޭ ތަކެތި ފެނުނެވެ. މައްސަލަ ކްރިމިނަލް ކޯޓަށް ހުށަހަޅައި ބަންދުގައި ބެހެއްޓުމަށް އެދުނެވެ.

ޕްރޮސިކިއުޓަރ ޖެނެރަލް ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 22(ޅ)، 59، 60 އާ ޚިލާފު، ޖިނާއީ އިޖުރާއަތުގެ ޤާނޫނުގެ 63 ވަނަ މާއްދާއަށް ރިޢާޔަތްނުކޮށް، ޤާނޫނުއަސާސީގެ 143(ރ) ގެ މަތީ ކޯޓުތަކުގެ ނިންމުންތަކަށް ތަބާނުވެ ނެރުނު އަމުރެއްކަމަށެވެ.

މަސްތުވާތަކެތި ޓްރެފިކްކުރުމުގެ ތުހުމަތުގައި ބަންދުގައިވާ ފަރާތެއް ޝަރުޠުކޮށް ބަންދުން ދޫކުރުމަށް ކްރިމިނަލް ކޯޓުން ނެރުނު އަމުރަކީ ޖިނާއީ އިޖުރާއަތުގެ ޤާނޫނުގެ 59 އާއި 60 ވަނަ މާއްދާއާ ޚިލާފު އަމުރެއްތޯއާއި، ޝަރީޢަތުގައިވާ މައްސަލައެއްގައި ބަންދާމެދު ހައިކޯޓުން ގޮތެއް ނިންމަންވީ ގޮތް.

ދަށުކޯޓުގެ އަމުރު ބާޠިލު، ބަންދާމެދު ނިންމުމަށް ކްރިމިނަލް ކޯޓަށް ފޮނުވި

ކުށަކީ ޖިނާއީ ބޮޑު ކުށަކަށްވެ ތުހުމަތުކުރެވޭ މިންވަރަށް ހެކި ހުރުމުން ދޫވެފައި ހުރުމަކީ މުޖުތަމަޢަށް ނުރައްކާތެރި ކަމެކެވެ. ނަމަވެސް މައްސަލަ ޝަރީޢަތުގައި ހުރުމުން ބަންދާމެދު ނިންމަންވީ މައްސަލަ ބަލާ ކޯޓުންނެވެ.