ޕްރޮސިކިއުޓަރ ޖެނެރަލް ވ. އިސްމާޢީލް މީރާން

ފުލުހުން 8 ދުވަހަށް ބަންދު އިތުރުކުރަން އެދުމުން، ހުޅުމާލެ މެޖިސްޓްރޭޓް ކޯޓުން ތުހުމަތުކުރެވޭ ފަރާތް ޝަރުޠުކޮށް ބަންދުން ދޫކުރިއެވެ.

އިތުރު ބަޔަކާ ގުޅިގެން ރާއްޖެއަށް މަސްތުވާތަކެތި އެތެރެކޮށް، ދިރިއުޅޭ ފްލެޓުގައި ގެންގުޅެ ވިޔަފާރިކުރާކަމަށް ތުހުމަތުކުރެވޭ މީހެކެވެ.

ޕްރޮސިކިއުޓަރ ޖެނެރަލް ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 22 (ޅ)، 59، 60 ވަނަ މާއްދާއާ ޚިލާފު، ޖިނާއީ އިޖުރާއަތުގެ ޤާނޫނުގެ 63 ވަނަ މާއްދާއަށް ރިޢާޔަތްނުކޮށް، އަދި ޤާނޫނުއަސާސީގެ 143 (ރ) އާ ޚިލާފަށް ނެރުނު އަމުރެއް ކަމަށެވެ.

ރާއްޖެއަށް މަސްތުވާތަކެތި އެތެރެކޮށް ޓްރެފިކްކުރުމުގެ ތުހުމަތުގައި ބަންދުކުރެވިފައިވާ މީހަކު ޝަރުޠުކޮށް ދޫކުރި ހުޅުމާލެ މެޖިސްޓްރޭޓް ކޯޓުގެ އަމުރު، ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 22 (ޅ)، 59 އާއި 60 ވަނަ މާއްދާއާ އެއްގޮތްތޯ.

ދަށުކޯޓުގެ އަމުރު ބާޠިލު، ބަންދާމެދު އަލުން ގޮތެއް ނިންމުމަށް ހުޅުމާލެ މެޖިސްޓްރޭޓް ކޯޓަށް

ތުހުމަތަކީ ޖިނާއީ ބޮޑު ކުށަކަށްވެ، ސުޕްރީމް ކޯޓުން މުޖުތަމަޢަށް ނުރައްކާތެރިކަން ބޮޑު ކުށެއްކަމަށް ކަނޑައަޅާފައިވާއިރު، ތުހުމަތުކުރެވޭ މިންވަރަށް ހެކި ހުރުމުން، ދޫކޮށްލުމަކީ މުޖުތަމަޢުގެ ސަލާމަތަށް ނުރައްކަލެއްކަމަށް ކޯޓުން ބެލިއެވެ؛ ނަމަވެސް ބަންދާމެދު ނިންމަންވީ މައްސަލަ ބަލާ ކޯޓުންނެވެ.