ޕްރޮސިކިއުޓަރ ޖެނެރަލް ވ. އިޝާ ވަޙީދު

އިޢުތިރާފުގެ މައްޗަށް ޒިނޭގެ ކުށް ސާބިތުކޮށް، ޖިންސީ ކުށުގެ ޤާނޫނުގެ 27 ވަނަ މާއްދާގެ (ހ) އާ ޙަވާލާދީ (ށ) ގެ ދަށުން 100 އެތިފަހަރުން ޙައްދު ޖަހައި 1 އަހަރު ގޭބަންދަށް ޙުކުމްކުރި.

ދަޢުވާ ލިބޭ ފަރާތް ވިހެއި ދަރިއަކީ ވަކި މީހަކާ ޒިނޭކުރުމުން ލިބުނު ދަރިއެއްކަމަށް ބުނެ ފުލުހުންގެ ތަޙްޤީޤުގައާއި ކްރިމިނަލް ކޯޓުގެ ޝަރީޢަތުގެ މަޖިލީހުގައި އިޢުތިރާފުވެ، ވަކީލެއް ނެތި މައްސަލަ ކުރިއަށް ގެންދިއުމަށް އެދުނު.

ޕްރޮސިކިއުޓަރ ޖެނެރަލް 3 ނުކުތާއެއް ހުށަހަޅައި އެދުނީ އިޢުތިރާފު ޞައްޙަކަން، ޤާނޫނުއަސާސީގެ ޙައްޤުތައް ލިބިދީފައިވާކަން އަދި ޙައްދު މަނާކުރާ ސަބަބެއް ނެތްކަން ކަށަވަރުކޮށްދިނުމަށެވެ.

ކްރިމިނަލް ކޯޓުގެ 760/Cr-C/2016 ޤަޟިއްޔާގައި އިޢުތިރާފުގެ މައްޗަށް ޒިނޭގެ ކުށް ސާބިތުކޮށް ޖިންސީ ކުށުގެ ޤާނޫނުގެ 27 ވަނަ މާއްދާގެ ދަށުން ކަނޑައެޅި ޙުކުމަކީ (ސުޕްރީމް ކޯޓުގެ ސަރކިއުލަރގެ ދަށުން ނިހާއީ ކުރުމަށް) ޞައްޙަ ޙުކުމެއްތޯ؛ އިޢުތިރާފު ޞައްޙަތޯ، ޤާނޫނުއަސާސީގެ ޙައްޤުތައް ލިބިދީފައިވޭތޯ، ޙައްދު މަނާކުރާ ސަބަބެއް އޮތްތޯ.

ދަށުކޯޓުގެ ޙުކުމް ޞައްޙަކަމަށް ކަނޑައަޅައި ޤާއިމްކުރި

ހައިކޯޓުން ސުވާލުކުރުމުން އިޢުތިރާފަކީ ޞައްޙަ އިޢުތިރާފެއްކަމާއި ރުޖޫޢުވެފައި ނުވާކަން، ޤާނޫނުއަސާސީގެ 51 ވަނަ މާއްދާގެ ޙައްޤުތަކުން މަޙްރޫމުކޮށްފައި ނުވާކަން، އަދި ޙައްދު މަނާކުރާ ސަބަބެއް ހުރިކަން ނޭނގޭކަން ފާހަގަކޮށް ޙުކުމް ޞައްޙަކަމަށް ކަނޑައެޅި.