ޕްރޮސިކިއުޓަރ ޖެނެރަލް ވ. ޙަސަން ނުހާދު އާދަމް

ތިނަދޫ މެޖިސްޓްރޭޓް ކޯޓުން ނިންމީ ހައްޔަރުކުރީ ކުށުގެ ވެށިން ކަމަށް ނުބެލެވޭތީއާއި ހުއްޓުވުމާއި ހައްޔަރާ ދެމެދު މިނިވަންކަން ހިފެހެއްޓި ސަބަބު ސާފުނުވާތީ ހައްޔަރުކުރުން ޤާނޫނާ ޚިލާފު ކަމަށާއި ބަންދުން ދޫކޮށްލުމަށެވެ.

މަސްތުވާތަކެތި ރައްކާކޮށް ވިޔަފާރިކުރާ ކަމުގެ ތުހުމަތުގައި، ކޯޓު އަމުރެއްގެ ދަށުން ގެ ބަލައި ފާސްކުރިއިރު މަސްތުވާތަކެތި ކަމަށް ޝައްކުކުރެވޭ ތަކެތި ފެނި، ތުހުމަތުކުރެވޭ ފަރާތް ކޯޓު އަމުރަކާ ނުލައި ހައްޔަރުކުރެވުނެވެ. ފުލުހުން 15 ދުވަހުގެ ބަންދަށް އެދުނެވެ.

ޕީ.ޖީ ބުނީ އަމުރަކީ ޤާނޫނުއަސާސީގެ 49 އާއި ޖިނާއީ އިޖުރާއަތުގެ ޤާނޫނުގެ 22 (ކ)، 59، 60 އާއި 143 (ރ) އާ ޚިލާފު އަމުރެއް ކަމަށެވެ. ތުހުމަތުކުރެވޭ ފަރާތުން އިސްތިއުނާފު ލަސްވެފައިވާ ކަމަށް އިޖުރާއީ އިޢުތިރާޟެއް ކުރި ނަމަވެސް ބަލައިނުގަނެވުނެވެ.

މަސްތުވާތަކެތީގެ ތުހުމަތުގައި ކޯޓު އަމުރަކާ ނުލައި ހައްޔަރުކުރެވުނު މީހަކު، ހައްޔަރުކުރުން ޤާނޫނާ ޚިލާފު ކަމަށް ބުނެ ބަންދުން ދޫކޮށްލި މެޖިސްޓްރޭޓް ކޯޓުގެ އަމުރު ރަނގަޅުތޯ؛ އަދި އަމުރު ބާޠިލުވާނަމަ ހައިކޯޓުން ބަންދުގެ އަމުރު ނެރެންވީތޯ ނުވަތަ ދަށުކޯޓަށް ފޮނުވަންވީތޯ.

ދަށުކޯޓުގެ އަމުރު ބާޠިލު، އަލުން ބެލުމަށް ފޮނުވި

ހައްޔަރުކުރީ ކުށުގެ ވެށިން، 40 (ނ) ގެ ޙާލަތެއްގައި، ޤާނޫނީ މުއްދަތުގެ ތެރޭގައި ކަމަށާއި، އިންވެންޓްރީގައި ވަގުތު ނެތުމަކީ ދޫކޮށްލާނެ ސަބަބެއް ނޫން ކަމަށް ނިންމިއެވެ. އަޣްލަބިއްޔަތުން ނިންމީ ހައިކޯޓުން ބަންދުގެ އަމުރު ނުނެރެ، މައްސަލަ ކޯޓުތަކުގެ ޤާނޫނުގެ 32 (ނ) ގެ ދަށުން ދަށުކޯޓަށް ފޮނުވުމަށެވެ.