ޕްރޮސިކިއުޓަރ ޖެނެރަލް ވ. ޢަލީ ނަޞީރު

ޑްރަގް ކޯޓުން 162/DC/2020 ގައި، ޙުސައިން ޞަބާޙް ޤަޟިއްޔާއަށް ބިނާކޮށް ކޯޓު އަމުރެއްނެތި ހުއްޓުވައި ހޯދި އިޢުތިރާފަކީ ބަލައިގަނެވޭ ހެއްކެއް ނޫން ކަމަށް ބަލައި، ޖިނާއީ އިޖުރާއަތުގެ ޤާނޫނުގެ 115 (ހ) ގެ ދަށުން ދަޢުވާ ބާޠިލުކުރިއެވެ.

މަސްތުވާތަކެތި ވިއްކާ ކަމުގެ މަޢުލޫމާތަށް ބިނާކޮށް ބައިސްކަލެއްގައި ދަނިކޮށް ހުއްޓުވައި ބަލައިފާސްކުރުމުން މަސްތުވާތަކެތި ފެނުނެވެ؛ ތުހުމަތުކުރެވޭ ފަރާތް ޑައިމޯފިން ބޭނުންކުރާ ކަމަށް ތަޙްޤީޤާއި ބަންދުގެ ޝަރީޢަތާއި ޑްރަގް ކޯޓުގައި އިޢުތިރާފުވިއެވެ.

ދައުލަތުން ބުނީ ނިންމުމަކީ 38 (ރ) (2) އާ ޚިލާފު ނިންމުމެއް ކަމަށާއި ޙުސައިން ޞަބާޙް ޤަޟިއްޔާ ތަޠްބީޤުކުރީ ރަނގަޅަށް ނޫން ކަމަށެވެ. ޖަވާބުދާރީވި ފަރާތުން ބުނީ ބުނާނެ އެއްޗެއް ނެތް ކަމަށާއި، މަސްތުވާތަކެތި ބޭނުންކުރާ ކަމަށާއި ފަރުވާ ބޭނުންވާ ކަމަށެވެ.

ކޯޓު އަމުރެއްނެތި ހުއްޓުވައި ބަލައިފާސްކުރުމަށްފަހު ވެފައިވާ އިޢުތިރާފަކީ ޤާނޫނާ ޚިލާފަށް ހޯދި ހެއްކެއް ކަމަށް ބަލައި، ޙުސައިން ޞަބާޙް ޤަޟިއްޔާ ތަޠްބީޤުކޮށް، ޖިނާއީ އިޖުރާއަތުގެ ޤާނޫނުގެ 115 ވަނަ މާއްދާގެ (ހ) ގެ ދަށުން މަސްތުވާތަކެތި ބޭނުންކުރުމުގެ ދަޢުވާ އިބްތިދާއީ އަޑުއެހުމުގައި ބާޠިލުކުރީ ރަނގަޅަށްތޯ.

ދަށުކޯޓުގެ ނިންމުން ބާޠިލު (ތަޙުލީލުން ދޭހަވާ ގޮތުގައި)

ބަލައިފާސްކުރީ ޤާނޫނުން ލިބިދޭ ބާރުގެ ދަށުން ރުހުމާއެކު ކަމާއި، ޙުސައިން ޞަބާޙް ޤަޟިއްޔާ މި މައްސަލައާ ތަފާތު ކަމާއި، ތަކުރާރުކޮށް ވެފައިވާ އިޢުތިރާފުގެ ޞައްޙަކަން ނުގެއްލޭ ކަމާއި، އިޢުތިރާފުވާ ޙާލަތުގައި 115 (ހ) ނުހިނގާ ކަމެވެ.