ޕްރޮސިކިއުޓަރ ޖެނެރަލް ވ. ބަދޫރާ ޔޫސުފް

ހިންނަވަރު މެޖިސްޓްރޭޓް ކޯޓުން 'އަލްއިޢުތިރާފު ސައްޔިދުލް އަދިއްލާ' ގެ މަބްދައަށް ރިޢާޔަތްކޮށް ކުށް ސާބިތުކޮށް، ފުރަތަމަ ފަހަރުގެ ކުށަކަށްވާތީ 100 އެތިފަހަރުން ޙައްދު ޖެހުމާއި 1 އަހަރު ގޭބަންދަށް ޙުކުމްކުރިއެވެ.

ތުހުމަތުކުރެވޭ ފަރާތް ލޯބީގެ ގޮތުން ގުޅިގެން އުޅުނު މީހަކާއެކު ޒިނޭކުރިކަމަށް ތަޙުޤީޤުގައާއި ޝަރީޢަތުގައި އިޢުތިރާފުވުމުން، ޒިނޭގެ ދަޢުވާ އުފުލިއެވެ.

ޕްރޮސިކިއުޓަރ ޖެނެރަލް އެދުނީ އިޢުތިރާފު ޞައްޙަކަމާއި، ޤާނޫނުއަސާސީގެ ޙައްޤުތައް ލިބިދީފައިވާކަމާއި، ޙައްދު މަނާކުރާ ސަބަބެއް ނެތްކަން ކަށަވަރުކޮށް ޙުކުމް ނިހާއީ ޙުކުމެއްކަމަށް ކަނޑައެޅުމަށެވެ.

ތުހުމަތުކުރެވޭ ފަރާތުގެ އިޢުތިރާފުގެ މައްޗަށް ޒިނޭގެ ކުށް ސާބިތުކޮށް ޙައްދާއި ގޭބަންދު ކަނޑައެޅި ހިންނަވަރު މެޖިސްޓްރޭޓް ކޯޓުގެ ޙުކުމަކީ ސުޕްރީމް ކޯޓުގެ 2015/14/SC ސަރކިއުލަރގެ ދަށުން ނިހާއީ ޙުކުމެއްކަމަށް ކަނޑައެޅޭނެ ޞައްޙަ ޙުކުމެއްތޯ.

ދަށުކޯޓުގެ ޙުކުމް ޞައްޙަ (ނިހާއީ ޙުކުމެއްގެ ގޮތުގައި ކަނޑައެޅި)

ޤާނޫނުއަސާސީގެ ޙައްޤުތައް ދީފައިވެއެވެ. އިޢުތިރާފަކީ ޞައްޙަ އިޢުތިރާފެއްކަމަށާއި ރުޖޫޢަވުން ހުއްދަ ނަމަވެސް ރުޖޫޢަވެފައި ނުވާތީ، ދަށުކޯޓުގެ ޙުކުމް ޝަރުޢީ އަދި ޤާނޫނީ އުޞޫލުތަކާ އެއްގޮތެވެ.