ޕްރޮސިކިއުޓަރ ޖެނެރަލް ވ. ޢަލީ ޔޫސުފް

ތުހުމަތާ ގުޅިގެން ހައްޔަރުކުރެވުނު 3 މީހަކު ދޫކޮށްލެވިފައިވުމާއި ތަޙުޤީޤު ފުރިހަމަވެފައިވާތީ ކްރިމިނަލް ކޯޓުން 19 މާރިޗު 2019 ގައި ޝަރުޠުކޮށް ދޫކޮށްލިއެވެ.

ތުހުމަތުކުރެވޭ ފަރާތް އިތުރު ބަޔަކާ ގުޅިގެން ރާއްޖެއަށް މަސްތުވާތަކެތި އެތެރެކޮށް ގޭގައި ބޭނުންކޮށް ގެންގުޅެ ވިޔަފާރިކުރާކަމަށް ތުހުމަތުކުރެވި، 15 ދުވަހަށް ބަންދުގައި ބަހައްޓަން ފުލުހުން އެދުނެވެ.

ޕީޖީ ބުނީ އަމުރަކީ ޤާނޫނުއަސާސީގެ 49 އާއި ޖިނާއީ އިޖުރާއަތުގެ ޤާނޫނުގެ 22 (ޅ)، 59، 60 އާ ޚިލާފު، ޖިނާއީ އިޖުރާއަތުގެ ޤާނޫނުގެ 63 ވަނަ މާއްދާއަށް ރިޢާޔަތްނުކޮށް، އަދި 143 (ރ) ގެ އުޞޫލާ ޚިލާފަށް ނެރުނު އަމުރެއް ކަމަށެވެ.

މަސްތުވާތަކެތި އެތެރެކޮށް ބޭނުންކޮށް ވިޔަފާރިކުރުމުގެ ތުހުމަތުގައި ބަންދުގައި ބެހެއްޓުމަށް އެދުނުއިރު، އެހެން ތުހުމަތުވެރިން ދޫކޮށްލެވިފައިވުމާއި ތަޙުޤީޤު ފުރިހަމަވެފައިވާތީ ކަމަށް ބުނެ ޝަރުޠުކޮށް ދޫކޮށްލި ކްރިމިނަލް ކޯޓުގެ އަމުރަކީ ޖިނާއީ އިޖުރާއަތުގެ ޤާނޫނުގެ 59 އަދި 60 ވަނަ މާއްދާއާ އެއްގޮތްވާ އަމުރެއްތޯ.

ބަންދުން ދޫކޮށްލި ނިންމުން ބާޠިލު؛ ޕީޖީ ހުށަހަޅައިފިނަމަ ބަންދާމެދު ކްރިމިނަލް ކޯޓުން އަލުން ގޮތެއް ނިންމަން ފޮނުވި

ޖިނާއީ ބޮޑު ކުށެއްގެ ތުހުމަތުގައި ތުހުމަތުކުރެވޭ މިންވަރަށް ހެކި ހުރުމުން ދޫވެފައި ހުރުމަކީ މުޖުތަމަޢަށް ނުރައްކާކަމަށް ބަލަންޖެހޭތީ އަމުރަށް ބަދަލުގެންނަން ޖެހެއެވެ. މައްސަލަ ޝަރީޢަތުގައި އޮތުމުން ބަންދާމެދު ނިންމަންވާނީ މައްސަލަ ބައްލަވާ ފަނޑިޔާރެވެ.