ޕްރޮސިކިއުޓަރ ޖެނެރަލް ވ. ޢާއިޝަތު ޒީޝަން

ކްރިމިނަލް ކޯޓުން އިޢުތިރާފުން ކުށް ސާބިތުވާކަމަށް ކަނޑައަޅައި، ދެވަނަ ފަހަރަށް ކުށް ސާބިތުވާތީ 100 އެތިފަހަރުން ޙައްދު ޖެހުމާއެކު 2 އަހަރު ގޭބަންދަށް ޙުކުމްކުރިއެވެ.

ތުހުމަތުކުރެވޭ ފަރާތް ހޮސްޕިޓަލުގައި ވިހެއި ކުއްޖާއަކީ ޒިނޭކޮށްގެން ލިބުނު ކުއްޖެއްކަމަށް ކްރިމިނަލް ކޯޓުގެ ޝަރީޢަތުގެ މަޖިލީހުގައި އިޢުތިރާފުވިއެވެ.

ޕްރޮސިކިއުޓަރ ޖެނެރަލް އެދުނީ އިޢުތިރާފު ޞައްޙަކަމާއި، ޤާނޫނުއަސާސީގެ ޙައްޤުތައް ލިބިދީފައިވާކަމާއި، ޙައްދު ޖެހުން މަނާކުރާ ސަބަބެއް ނެތްކަން ކަށަވަރުކޮށްދިނުމަށެވެ. ތުހުމަތުކުރެވޭ ފަރާތުން ބުނީ ޙައްޤުތައް ދީފައިވާކަމަށާއި، ޒިނޭއަކީ ކޮބައިކަން އެނގިހުރެ އިޢުތިރާފުވިކަމަށެވެ.

ޙައްދު ކަނޑައެޅިފައިވާ ޒިނޭގެ ކުށުގައި ކްރިމިނަލް ކޯޓުން ކުރި ޙުކުމަކީ ޞައްޙަ ނިހާއީ ޙުކުމެއްތޯ ކަށަވަރުކުރުމަށް ސުޕްރީމް ކޯޓުގެ ސަރކިއުލަރގެ ދަށުން ޕްރޮސިކިއުޓަރ ޖެނެރަލް ހުށަހެޅުމުން، ތުހުމަތުކުރެވޭ ފަރާތުގެ އިޢުތިރާފު ޞައްޙަތޯ، ޤާނޫނުއަސާސީގެ ޙައްޤުތައް ލިބިދީފައިވޭތޯ، އަދި ޙައްދު ޖެހުން މަނާކުރާ ސަބަބެއް އޮތްތޯ.

ދަށުކޯޓުގެ ޙުކުމް ޞައްޙަކަމަށް ކަނޑައެޅި

ޙައްޤުތައް ލިބިދީފައިވާތީއާއި، އިޢުތިރާފަކީ ބާލިޣުވެ ހަމަބުއްދީގައި އަމިއްލަ އިޚްތިޔާރުގައި ވާ އިޢުތިރާފަކަށްވެ އެއިން ރުޖޫޢުވެފައި ނުވާތީއާއި، އަދަބަކީ ޤާނޫނު ނަންބަރު 17/2014 (ޖިންސީ ކުށުގެ ޤާނޫނު) ގެ 27 ވަނަ މާއްދާގެ (ށ) ގެ ހަދުގެ ތެރޭގައިވާ އަދަބަކަށްވާތީ ޙުކުމް ޞައްޙަކަމަށް ކަނޑައެޅިއެވެ.