ޕްރޮސިކިއުޓަރ ޖެނެރަލް ވ. ޢާއިޝަތު ޔުމްނާ

ލ. މާބައިދޫ މެޖިސްޓްރޭޓް ކޯޓުން އިޢުތިރާފުގެ މައްޗަށް ޒިނޭގެ ކުށް ސާބިތުކޮށް، ފުރަތަމަ ފަހަރުކަމަށްވާތީ ޖިންސީ ކުށުގެ ޤާނޫނުގެ 27 (ށ) ގެ ދަށުން 100 އެތިފަހަރުން ޙައްދު ޖެހުމާއި 1 އަހަރު ގޭބަންދަށް ޙުކުމްކުރިއެވެ.

ކައިވެނި ނުކޮށް ދަރިއަކު ވިހެއި ފަރާތެއް، އެ ކުއްޖާ ލިބުނީ ޒިނޭކުރުމުގެ ސަބަބުން ކަމަށް ތަޙްޤީޤުގައާއި ޝަރީޢަތުގައި އިޢުތިރާފުވިއެވެ.

ޕްރޮސިކިއުޓަރ ޖެނެރަލްގެ އޮފީހުން އެދުނީ އިޢުތިރާފުގެ ޞައްޙަކަމާއި، ޤާނޫނުއަސާސީގެ ޙައްޤުތައް ލިބިދީފައިވާކަމާއި، ޙައްދު ޖެހުން މަނާކުރާ ސަބަބެއް ނެތްކަން ކަށަވަރުކޮށްދިނުމަށެވެ.

ޒިނޭކުރުމުގެ ކުށަށް ދަޢުވާ ރައްދުވި ފަރާތް ވި އިޢުތިރާފުގެ މައްޗަށް ބިނާކޮށް މެޖިސްޓްރޭޓް ކޯޓުން 100 އެތިފަހަރުން ޙައްދު ޖެހުމާއި 1 އަހަރު ގޭބަންދަށް ކުރި ޙުކުމަކީ، (ސުޕްރީމް ކޯޓުގެ SC/2015/14 ސަރކިއުލަރގެ ދަށުން) ޝަރުޢީ އަދި ޤާނޫނީ އުޞޫލުތަކާ އެއްގޮތަށް ކުރެވިފައިވާ ޞައްޙަ ނިހާއީ ޙުކުމެއްތޯ.

ދަށުކޯޓުގެ ޙުކުމް ޞައްޙަ ކަމަށް ކަނޑައެޅި، ޤާއިމް

އިޢުތިރާފަކީ ހަމަބުއްދީގައި، ބާލިޣުވެ، އަމިއްލަ އިޚްތިޔާރުގައި ވި ޞައްޙަ އިޢުތިރާފެއް ކަމާއި އޭގެން ރުޖޫޢުވެފައި ނުވާކަމާއި، ޤާނޫނުއަސާސީގެ 51 ވަނަ މާއްދާގެ ޙައްޤުތައް ލިބިދީފައިވާކަމާއި، އަދަބަކީ ޤާނޫނާ އެއްގޮތަށް ކަނޑައެޅި އަދަބެއް ކަމާއި ތަންފީޒުކުރުން މަނާކުރާ ސަބަބެއް ނެތްކަމުން ޙުކުމް ޞައްޙައެވެ.