ޕްރޮސިކިއުޓަރ ޖެނެރަލް ވ. އަޙްމަދު ޝައިނީ ނާފިޒު

ސައިކަލު އިޖުރާއަތާ ޚިލާފަށް ބަލާފާސްކޮށްފައިވާތީ ތުހުމަތުކުރެވޭ ފަރާތް ބަންދުން ދޫކޮށްލުމަށް ކްރިމިނަލް ކޯޓުން އަމުރުކުރިއެވެ.

ކެފޭއެއްގައި މަސްތުވާތަކެތި ބޭނުންކޮށް ވިޔަފާރިކުރާކަމަށް ތުހުމަތުކުރެވުނު މައްސަލައެއްގައި ތުހުމަތުކުރެވޭ ފަރާތުގެ ޖީބުން ފެނުނު ތަޅުދަނޑިން ހުޅުވުނު ސައިކަލެއްގެ މަޑިދަށުން ބަނގުރާއާއި މަސްތުވާތަކެތި ކަމަށް ޝައްކުކުރެވޭ ތަކެތި ފެނުނެވެ.

ޕްރޮސިކިއުޓަރ ޖެނެރަލް ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 22 (ޅ)، 35 (ރ)(2)، 59 އަދި 60 ވަނަ މާއްދާތަކާއި، ޤާނޫނުއަސާސީގެ 143 (ރ) ގައިވާ ސާބިޤާގެ އުޞޫލާ ޚިލާފު އަމުރެއް ކަމަށެވެ.

މަސްތުވާތަކެތީގެ ވިޔަފާރިކުރުމުގެ ތުހުމަތުގައި ބަންދުކުރެވުނު މީހާގެ ސައިކަލު އިޖުރާއަތާ ޚިލާފަށް ބަލާފާސްކުރިކަމަށް ބުނެ އޭނާ ބަންދުން ދޫކޮށްލުމަށް ކްރިމިނަލް ކޯޓުން ނެރުނު އަމުރު ޖިނާއީ އިޖުރާއަތުގެ ޤާނޫނުގެ 35، 59 އަދި 60 ވަނަ މާއްދާތަކާ އެއްގޮތްތޯ.

ދަށުކޯޓުގެ އަމުރު ބާޠިލު؛ ބަންދާމެދު އަލުން ގޮތެއް ނިންމަން ޝަރީޢަތް ހިނގާ ކޯޓަށް

ސައިކަލު ބަލާފާސްކުރީ ޤާނޫނު ނަންބަރު 12/2016 (ޖިނާއީ އިޖުރާއަތުގެ ޤާނޫނު) ގެ 35 ވަނަ މާއްދާގެ ދަށުން ކޯޓު އަމުރަކާ ނުލައި ބަލާފާސްކުރެވޭ ހާލަތެއްގައި ކަމަށާއި، ޖިނާއީ ބޮޑު ކުށެއްގެ ތުހުމަތަށް ހެކި ހުރުމުން ޖިނާއީ އިޖުރާއަތުގެ ޤާނޫނުގެ 60 ވަނަ މާއްދާގެ (ށ) ގެ ދަށުން ޢަމަލުކުރަންޖެހޭ ކަމަށް ކަނޑައަޅައި، މައްސަލަ ޝަރީޢަތަށް ހުށަހެޅިފައިވާތީ ބަންދާމެދު ގޮތެއް ނިންމަންވާނީ ޝަރީޢަތް ހިނގާ ކޯޓުން ކަމަށް ކަނޑައެޅިއެވެ.