ޕްރޮސިކިއުޓަރ ޖެނެރަލް ވ. ނެރްމޯލް ޗަންދްރާ ޕައުލް

ކްރިމިނަލް ކޯޓުން، ތަޙްޤީޤަށް އެހީތެރިވުމާއި އެޑްރެސް ބަދަލުވެއްޖެނަމަ ފުލުހުންނަށް އެންގުމާއި ހުއްދައާނުލައި މާލެއިން ނުފުރުމުގެ ޝަރުޠުތަކާއެކު ބަންދުން ދޫކޮށްލުމަށް އަމުރުކުރިއެވެ.

ބިދޭސީ ތުހުމަތުކުރެވޭ ފަރާތަކު، ކުއްޔަށް ކޮޓަރި ދޫކޮށް ބިދޭސީ އަންހެނުން ބައިތިއްބައިގެން ފައިސާއަށް ހަށިވިއްކުމުގެ ވިޔަފާރި ކުރިކަމުގެ ތުހުމަތުގައި ހައްޔަރުކުރެވުނެވެ. އޭނާގެ ވޯކް ވިސާގައިވާ ވަޒީފާއާއި ސައިޓާ ތަފާތު ކަންކަމެއްގައި އުޅެމުން ދިޔައިރު، ވަޒީފާދޭ ފަރާތް ތަޙްޤީޤުން ހޯދާފައި ނުވެއެވެ.

ޕްރޮސިކިއުޓަރ ޖެނެރަލް ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 59 އަދި 60 ވަނަ މާއްދާއާ ޚިލާފް، އަދި މަތީ ކޯޓުތަކުގެ ނިންމުންތަކަށް ތަބާނުވެ ނެރުނު އަމުރެއް ކަމަށެވެ.

ހަށިވިއްކުމުގެ ވިޔަފާރީގެ ތުހުމަތުގައި ހައްޔަރުކުރެވުނު ބިދޭސީއަކު، ވަޒީފާދިން ފަރާތް ކަނޑައަޅައި ޒިންމާ ކުރުވުމެއް ނެތި ޝަރުޠުތަކާއެކު ބަންދުން ދޫކޮށްލުމަކީ ޤާނޫނާ އެއްގޮތް ނިންމުމެއްތޯ.

ދަށުކޯޓުގެ ބަންދުން ދޫކޮށްލުމުގެ އަމުރު ބާޠިލު؛ ޕީޖީ ހުށަހަޅައިފިނަމަ ބަންދާމެދު ކްރިމިނަލް ކޯޓުން އަލުން ގޮތެއް ނިންމަން ކަނޑައެޅި

ތުހުމަތުގެ މިންވަރަށް ހެކި ހުރިއިރު، ކުށަކީ މުޖުތަމަޢަށް ނުރައްކާތެރި ކުށެއް ކަމާއި ފިލާފާނެ ބިރު އޮތުމާއި، ބިދޭސީއަށް ޒިންމާވާނެ ވަޒީފާދޭ ފަރާތެއް ހޯދާފައި ނުވުމުން، މުޖުތަމަޢަށް ދޫކޮށްލުމަކީ ޤާނޫނާ ޚިލާފު ނިންމުމެކެވެ.