ޕްރޮސިކިއުޓަރ ޖެނެރަލް ވ. އަޙްމަދު މަމްދޫޙް

ތުހުމަތުކުރެވޭ ފަރާތުގެ އަތުން މަސްތުވާތަކެތި ނުފެނުމާއި ކުޑަކަމުދާތަކެތި ޕޮޒިޓިވް ނުވުމާއި ފިންގަރޕްރިންޓް ނެތުމާއި 60 ދުވަސް ބަންދުގައި ހޭދަވުމާއި ދަޢުވާ ހުށަހެޅިފައިވުމަށް ބަލައި ކްރިމިނަލް ކޯޓުން ޝަރުޠުކޮށް ބަންދުން ދޫކޮށްލިއެވެ.

ތުހުމަތުކުރެވޭ ފަރާތް އިތުރު ބަޔަކާއެކު މަސްތުވާތަކެތި ރާއްޖެއަށް އެތެރެކޮށް ވިޔަފާރިކުރާކަމުގެ ތުހުމަތުގައި ބަންދުކޮށް، ފުލުހުން 6 ވަނަ ފަހަރަށް ބަންދުގެ މުއްދަތު އިތުރުކުރުމަށް އެދުނެވެ. މީގެ ކުރިން ފުލުހުން އެދިފައިވަނީ ޝަރީޢަތް ނިމެންދެން ބަންދަށް ނޫނެވެ.

ޕްރޮސިކިއުޓަރ ޖެނެރަލް ބުނީ އަމުރަކީ ޤާނޫނުއަސާސީގެ 49 އާއި ޖިނާއީ އިޖުރާއަތުގެ ޤާނޫނުގެ 22 (ޅ)، 59، 60 (ށ) އާއި 63 ވަނަ މާއްދާއާއި ޤާނޫނުއަސާސީގެ 143 (ރ) ގެ ސަބަބުން މަތީ ކޯޓުތަކުގެ ނިންމުންތަކަށް ތަބާވުމުގެ އުޞޫލާ ޚިލާފު އަމުރެއް ކަމަށެވެ.

މަސްތުވާތަކެތި ރާއްޖެއަށް އެތެރެކޮށް ވިޔަފާރިކުރާކަމުގެ ތުހުމަތުގައި ބަންދުގައި ހުރި ތުހުމަތުކުރެވޭ ފަރާތް، ދަޢުވާ ހުށަހެޅުމަށްފަހު ޝަރުޠުކޮށް ބަންދުން ދޫކޮށްލި ކްރިމިނަލް ކޯޓުގެ އަމުރު، ޖިނާއީ އިޖުރާއަތުގެ ޤާނޫނުގެ 59 އަދި 60 ވަނަ މާއްދާއާ އެއްގޮތަށް ނެރެފައިވޭތޯ؛ އަދި ޖިނާއީ ބޮޑު ކުށެއްގައި ބަންދަށް އެދެންވީ ޤާނޫނީ އިޖުރާއަތަކީ ކޮބައިތޯ.

ދަށުކޯޓުގެ އަމުރު ބާޠިލު؛ ބަންދާމެދު އަލުން ނިންމުމަށް އަޞްލު މައްސަލަ ހުށަހެޅިފައިވާ ކޯޓަށް ހުށަހެޅުމަށް އަމުރުކުރި

ކުށަކީ ޖިނާއީ ބޮޑު ކުށަކަށްވެ ތުހުމަތުކުރެވޭ މިންވަރަށް ހެކި ހުރުމާއި މުޖުތަމަޢުގެ ސަލާމަތަށް ނުރައްކާ އޮތުމުން 60 (ށ) ގެ ދަށުން ޢަމަލުކުރަންޖެހޭއިރު، ޝަރުޠުކޮށް ދޫކޮށްލުމަކީ ހުއްދަ އިޚްތިޔާރެއް ނޫނެވެ. ނަމަވެސް ދަޢުވާ ޝަރީޢަތަށް ހުށަހެޅިފައިވާތީ ހެކި އަލުން ވަޒަންކޮށް ބަންދާމެދު ނިންމަންވާނީ އަޞްލު މައްސަލަ ބަލާ ކޯޓުންނެވެ.