ޕްރޮސިކިއުޓަރ ޖެނެރަލް ވ. -

ދަޢުވާކުރާ ފަރާތް މަޤުބޫލު ޢުޛުރެއްނެތި ޙާޟިރުނުވާތީ ދަޢުވާ ބާޠިލުކުރިއެވެ.

ޑައިމޯފިން ޓްރެފިކްކުރުމުގެ ދަޢުވާއެއް ޕްރޮސިކިއުޓަރ ޖެނެރަލުން ތިނަދޫ މެޖިސްޓްރޭޓް ކޯޓަށް ހުށަހެޅިއެވެ. ފުރަތަމަ އިބްތިދާއީ ބައްދަލުވުމަށް އަންގާފައިވާ ގަޑިއަށް ޕަބްލިކް ޕްރޮސިކިއުޓަރު ޙާޟިރުނުވެ، މިނިޓުކޮޅެއް ފަހުން ކޯޓަށް ޙާޟިރުވިއެވެ.

ޕްރޮސިކިއުޓަރ ޖެނެރަލުން ބުނީ އެ ނިންމުމަކީ ޖިނާއީ އިޖުރާއާތުގެ ޤާނޫނާއި ޝަރީޢަތްކުރުމާބެހޭ ޖިނާއީ އިޖުރާއާތުގެ ގަވާއިދާއި، ކޯޓުގެ ޙުރުމަތް ރައްކާތެރިކުރުމާބެހޭ ގަވާއިދާ ޚިލާފު ނިންމުމެއް ކަމަށެވެ.

ޑައިމޯފިން ޓްރެފިކްކުރުމުގެ ދައުލަތުގެ ޖިނާއީ ދަޢުވާއެއްގައި، ކޯޓަށް ޙާޟިރުވުމުގެ އަމުރުގައިވާ ގަޑިއަށް ޕްރޮސިކިއުޓަރ ޖެނެރަލްގެ އޮފީހުން ޙާޟިރުނުވުމުގެ ސަބަބުން ދަށު ކޯޓަށް ދަޢުވާ ބާޠިލުކުރެވިދާނެތޯ.

ދަށުކޯޓުގެ ޙުކުމް ބާޠިލުކޮށް އަލުން ބެލުމަށް ފޮނުވި

ދައުލަތުގެ ޖިނާއީ ދަޢުވާއެއްގައި ދަޢުވާކުރާ ފަރާތް ޙާޟިރުނުވުމުން ދަޢުވާ ބާޠިލުކުރުމުގެ ބާރު އެއްވެސް ޤާނޫނަކުން ނުވަތަ ގަވާއިދަކުން ދަށު ކޯޓަށް ދީފައި ނެތެވެ؛ ޙާޟިރުނުވުމަށް ޢަމަލުކުރެވޭނީ ފަރުދީ ގޮތުން ޖޫރިމަނާކުރުމުގެ އުޞޫލުންނެވެ. ޖިނާއީ ދަޢުވާއަކީ މުޖުތަމަޢުގެ މަޞްލަޙަތާ ގުޅޭ ކަމެކެވެ.