2015/HC-A/223

ހިންމަފުށީ މެޖިސްޓްރޭޓް ކޯޓުން، ދަޢުވާކުރި ފަރާތް ޙާޟިރުނުވުމާއި ލާމަރުކަޒީ ޤާނޫނުގެ 145 ވަނަ މާއްދާގެ ދަށުން ކައުންސިލުން ޤަބޫލުނުކުރާތީ އެގްރީމެންޓް ބާޠިލުވެފައިވާތީ މައްސަލަ ކުރިއަށް ނުގެންދެވޭނެކަމަށް ބުނެ ދަޢުވާ ފޯމު ބާޠިލުކުރިއެވެ.

ސަރުކާރާ ވެވުނު އެއްބަސްވުމެއްގެ ދަށުން ފައިބަރު ދޯނީގެ މަސައްކަތަށް ކުއްޔަށް ހިފި ބިމެއް، އެއްބަސްވުމުގެ މުއްދަތު ހަމަނުވަނީސް އެހެން ފަރާތަކަށް ކުއްޔަށް ދިނުމަށް އިޢުލާންކުރުމުން، އެ އިޢުލާން ބާޠިލުކޮށް އެއްބަސްވުމާ އެއްގޮތަށް ޢަމަލުކުރުމަށް ކައުންސިލަށް އަމުރުކޮށްދިނުމަށް އެދި ދަޢުވާ އުފުލިއެވެ.

އިސްތިއުނާފުކުރި ފަރާތުން ބުނީ ނިންމުމަކީ ޤާނޫނުއަސާސީގެ 42 ވަނަ މާއްދާއާއި ކޯޓަށް މީހުން ޙާޟިރުކުރުމުގެ ޤަވާޢިދުގެ 28 ވަނަ މާއްދާއާ ޚިލާފު ނިންމުމެއްކަމަށާއި، އަލަށް އިންތިޚާބުވި ކައުންސިލުން ކުލި ބަލައިގަތުމަކީ 7/2010 ގެ 145 ވަނަ މާއްދާގެ ދަށުން އެއްބަސްވުން ކުރިއަށް ގެންދިއުމަށް ނިންމިކަމަށްވާތީ އެކަމަށް ރިޢާޔަތްނުކުރެވުނުކަމަށެވެ.

ދަޢުވާކުރާ ފަރާތް ކޯޓަށް ޙާޟިރުނުވުމުން ދަޢުވާ ފޯމު ބާޠިލުކުރުމާއެކު، މައްސަލައިގެ މައުޟޫޢުގައި އެގްރީމެންޓް ބާޠިލުވެފައިވާކަމަށްވެސް ދަށުކޯޓުން ކަނޑައެޅުމަކީ "ކޯޓަށް މީހުން ޙާޟިރުކުރުމުގައި ޢަމަލުކުރާނެގޮތުގެ ޤަވާޢިދު" ގެ 29 ވަނަ މާއްދާގެ އިޖުރާޢަތާ އެއްގޮތަށް ކުރެވިފައިވާ ނިންމުމެއްތޯ.

ދަށުކޯޓުގެ ނިންމުން ބާޠިލު؛ މައްސަލަ އަލުން ހުށަހަޅައިފިނަމަ މައުޟޫޢާމެދު ފައިސަލާކުރަނިވި ޙުކުމެއް ކުރަންޖެހޭ

ދަށުކޯޓުން ފޯމު ބާޠިލުކުރުމުގެ އިތުރުން އެގްރީމެންޓް ބާޠިލުކަމަށް ކަނޑައަޅާފައިވީނަމަވެސް ސަބަބުތައް ބަޔާންކޮށްފައި ނުވެއެވެ. ކޯޓަށް މީހުން ޙާޟިރުކުރުމުގައި ޢަމަލުކުރާނެ ގޮތުގެ ޤަވާޢިދުގެ 29 ވަނަ މާއްދާގެ ކޮން ނަންބަރެއްގެ ދަށުންކަން ނޭނގޭ އަދި ހެކި ވަޒަންކޮށްފައި ނުވާތީ ނިންމުން ޤަވާޢިދާ އެއްގޮތެއް ނޫނެވެ.