މުޙައްމަދު ޞަބާޙް ވ. ޢާއިޝަތު ނަފީސާ

ސިވިލް ކޯޓުން ޢިމާރާތުގައި 4 ބެހެނިވެރިންގެ ޙައްޤު ހަމަހަމަ ކަމަށާއި، ހުށަހެޅި ގޮތަށް ފްލޯރ ޢައްޔަންކޮށްފިނަމަ ވަކި ބެހެނިވެރިއެއްގެ ޙައްޤަށް އުނިކަން އަތުވާނެތީ އެގޮތަށް ޢައްޔަން ނުކުރެވޭނެ ކަމަށް ޙުކުމްކުރިއެވެ.

4 ބެހެނިވެރިއެއްގެ ނަމުގައި ރަޖިސްޓްރީކޮށްފައިވާ މާލޭގެ ބަންޑާރަ ގޯއްޗެއްގައިވާ ޢިމާރާތުގެ ފްލޯރތައް ބައިކޮށް ބެހެނިވެރިންގެ މެދުގައި ޢައްޔަންކޮށްދިނުމަށް ބެހެނިވެރިއަކު ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ޙައްޤު ހަމަހަމަވާ ކަމަށް ނިންމި ޝަރުޢީ ޤާނޫނީ ހަމަ ބަޔާން ނުކުރާތީ ޤާނޫނުއަސާސީގެ 142 އާއި ފަނޑިޔާރުންގެ ޤާނޫނުގެ 5 ވަނަ މާއްދާއާ ޚިލާފު ކަމަށެވެ.

ބަންޑާރަ ގޯއްޗެއްގެ ބެހެނިވެރިންގެ ޙައްޤު ހަމަހަމަ ކަމަށް ކަނޑައަޅައި، ހުށަހެޅި ގޮތަށް ފްލޯރ ޢައްޔަންކޮށްނުދިން ދަށުކޯޓުގެ ޙުކުމް، ޤާނޫނުއަސާސީގެ 142 ވަނަ މާއްދާއާއި ފަނޑިޔާރުންގެ ޤާނޫނުގެ 5 ވަނަ މާއްދާއާ އެއްގޮތްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ބަންޑާރަ ބިން ތަރިކައިގެ އުޞޫލުން ނޫން ހަމަހަމަކޮށް ބެހޭ އުޞޫލާއި، ކުރީގެ ތަރިކަ ބެހި ޙުކުމްތަކާއި މުނިސިޕަލްޓީގެ ސިޓީތަކުން ބިން 4 ވާރިޘުންގެ ނަމުގައި ހަމަހަމަކޮށް ރަޖިސްޓްރީ ކޮށްފައިވާކަން އެނގޭތީ ދަށުކޯޓުގެ ނިންމުން ޤާނޫނާ އެއްގޮތެވެ.