މުޙައްމަދު ނިޔާޒް ވ. ޕްރޮސިކިއުޓަރ ޖެނެރަލް

ފީއަލީ މެޖިސްޓްރޭޓް ކޯޓުން 5 ހެކިންގެ ހެކިބަހާއި މެޑިކޯ ލީގަލް ރިޕޯޓުގެ މައްޗަށް ކުށް ސާބިތުކޮށް 4 އަހަރަށް ޖަލަށްލުމަށް ޙުކުމްކުރިއެވެ.

ތޫނު އެއްޗަކުން ހަމަލާދީ އަނިޔާލިބުނު ފަރާތުގެ ބުރަކަށި ޒަޚަމްކުރިކަމުގެ ތުހުމަތުގައި ދަޢުވާ ކުރެވުނެވެ؛ ދަޢުވާލިބޭ ފަރާތް ދަޢުވާއަށް އިންކާރުކުރިއެވެ.

އިސްތިއުނާފުކުރި ފަރާތުން ބުނީ ހެކި ޤަރީނާއަށް ރަނގަޅަށް ރިޢާޔަތް ނުކޮށް، އަނިޔާގެ މިންވަރު ވަޒަން ނުކުރި ކަމަށާއި، ހެކިބަހާއި މެޑިކޯ ލީގަލް ރިޕޯޓާ ދެމެދު ބޮޑެތި ފުށުއެރުންތައް ހުރި ކަމަށެވެ.

ތޫނު އެއްޗެއް ބޭނުންކޮށްގެން މީހެއްގެ ހަށިގަނޑަށް ގެއްލުން ދިނުމުގެ ކުށުގައި، އަނިޔާގެ މިންވަރު ވަޒަންނުކޮށް އަދި ހެކިބަހާއި މެޑިކޯ ލީގަލް ރިޕޯޓާ ދެމެދު ފުށުއެރުން ހުރިއިރު ކުށް ސާބިތުކޮށް 4 އަހަރުގެ ޖަލު ޙުކުމް ކުރުމަކީ ޞައްޙަ ނިންމުމެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

އަނިޔާގެ މިންވަރަށް ބަލަން ނުޖެހޭނެއެވެ؛ ފުށުއެރުމަކީ އެކަށީގެންވާ އޮޅުމެކެވެ؛ ހެކިބަހާއި ރިޕޯޓާއި ތަޙުޤީޤު ބަޔާނުން ތޫނު އެއްޗަކުން ހަމަލާދިންކަން ޝައްކެއް ނެތި ސާބިތުވާތީ ޙުކުމް ޤާއިމްކުރެވުނެވެ.