މުޙައްމަދު ފަޞީހު ވ. ޕްރޮސިކިއުޓަރ ޖެނެރަލް

އަލިފުށީ މެޖިސްޓްރޭޓް ކޯޓުން ހަށިގަނޑަށް ގެއްލުން ދިނުމުގެ ކުށް ސާބިތުވާކަމަށް ކަނޑައަޅައި، 17/2010 ގެ 2 ވަނަ މާއްދާގެ (ބ) ގެ ދަށުން 3 އަހަރު ޖަލަށްލުމަށް ޙުކުމްކުރިއެވެ.

ތުހުމަތުކުރެވޭ ފަރާތް މީހަކަށް މަރުގެ އިންޒާރުދީ، ފަހުން އޭނާގެ ބަނޑުގައި ފައިން ޖަހައި ވަޅިއަކުން ޙަމަލާދިންކަމަށް ބުނެ ދައުލަތުން ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ހެކިވެރިންނާ ސުވާލުކުރުމާއި ދިފާޢީ ހެކިން ހާޒިރުކުރުމުގެ ފުރުޞަތު ނުދީ، މެޑިކަލް ރިޕޯޓު ނުދީ، ދަޢުވާގެ އުންޞުރުތައް ސާބިތުނުވެ ކުށް ސާބިތުކުރި ކަމަށެވެ.

ތޫނު އެއްޗަކުން މީހެއްގެ ހަށިގަނޑަށް ގެއްލުން ދިނުމުގެ ކުށުގެ މައްސަލައިގައި، ދަށު ކޯޓުގައި ޝަރީޢަތް ހިންގީ ތުހުމަތުކުރެވޭ ފަރާތުގެ ޤާނޫނުއަސާސީގެ 42 އަދި 51 ވަނަ މާއްދާގެ ޙައްޤުތަކާ ޚިލާފަށްތޯއާއި، ދަޢުވާ ސާބިތުކުރުމަށް ފުދޭ ހެކި ހުށަހެޅިތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ވަކީލަކު ޢައްޔަންކުރުމާއި ލިޔުންތައް ހޯދުމުގެ ފުރުޞަތު ދީފައިވާއިރު ތުހުމަތުކުރެވޭ ފަރާތް ހެކިބަހަށް އިޢުތިރާޟެއް ނުކޮށް ދިފާޢީ ހެކިން ހުށަހަޅަން ނޭދުނެވެ. ހެކިންގެ ހެކިބަހާއި ޤަރީނާއިން ދަޢުވާ ސާބިތުވާތީ ޙުކުމަށް ބަދަލު ނުގެނެވުނެވެ.