ޕްރޮސިކިއުޓަރ ޖެނެރަލް ވ. ޢަލީ ޢާމިރު

ސ. މީދޫ މެޖިސްޓްރޭޓް ކޯޓުން ޝަރީޢަތުގެ ކުރިން ހުށަހެޅި ހުށަހެޅުމެއްގެ މައްޗަށް ނިންމީ، ޤާނޫނު ނަންބަރު 17/2010 (ބިރުދެއްކުމާއި ނުރައްކާތެރި ހަތިޔާރާއި ތޫނު އެއްޗެހި ގެންގުޅުން މަނާކުރުމުގެ ޤާނޫނު) ގެ 17 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 94 ވަނަ މާއްދާއާއި 2019/HC-A/80 ގެ އުޞޫލުތަކާ ޚިލާފަށް މުއްދަތު ފަހަނައަޅައި ކުރި ދައުވާ ކަމުން ދައުވާތައް ބެލޭނެ ތަނެއް ނެތްކަމަށެވެ.

ހަތިޔާރެއް (ދަގަނޑު ބުރިއެއް) ބޭނުންކޮށްގެން މީހަކަށް ނުރައްކާތެރި ހާނިއްކަވާގޮތަށް މާރާމާރީ ހިންގުމާއި އެ މާރާމާރީގައި ބައިވެރިވުމުގެ ތުހުމަތުގައި 4 މީހުންގެ މައްޗަށް ޕްރޮސިކިއުޓަރ ޖެނެރަލް ދައުވާކުރީ ތަޙްޤީޤުގެ މުއްދަތު 4 ފަހަރު ޖުމްލަ 45 ދުވަހަށް އިތުރުކުރުމަށްފަހުއެވެ.

ޕްރޮސިކިއުޓަރ ޖެނެރަލުން ބުނީ ޖިނާއީ އިޖުރާއަތުގެ ޤާނޫނުގެ 94 ވަނަ މާއްދާއާއި ޤާނޫނުއަސާސީގެ 143 (ރ) އާ ޚިލާފަށް ނިންމި ކަމަށެވެ. ތުހުމަތުކުރެވޭ ފަރާތްތަކުން ބުނީ ހައްޔަރުކުރިތާ 57 ދުވަސް ފަހުން ދައުވާކުރި ކަމަށާއި ހަމައެކަނި ބަޔާން އިޞްލާޙުކުރަން 45 ދުވަސް ދިނުމަކީ ޤާނޫނުގެ މަޤްޞަދާ ގުޅޭ މުއްދަތެއް ނޫންކަމަށެވެ.

ބިރުދެއްކުމާއި ނުރައްކާތެރި ހަތިޔާރާއި ތޫނު އެއްޗެހި ގެންގުޅުން މަނާކުރުމުގެ ޤާނޫނުގެ 17 ވަނަ މާއްދާގެ (ނ) ގެ ދަށުން ޕްރޮސިކިއުޓަރ ޖެނެރަލް ތަޙްޤީޤުގެ މުއްދަތު (ޖުމްލަ 45 ދުވަސް) އިތުރުކޮށްގެން، ހައްޔަރުކުރިތާ 15 ދުވަސް ފަހަނައަޅައި ކުރި ދައުވާއަކީ މުއްދަތު ފަހަނައަޅައި ކުރި، ނުބެލޭނެ ދައުވާއެއްތޯ.

ދަށުކޯޓުގެ ނިންމުން ބާޠިލުކޮށް، ޤަޟިއްޔާތައް ބެލުމަށް މެޖިސްޓްރޭޓް ކޯޓަށް ތަޙްވީލުކުރި

ސުޕްރީމް ކޯޓުގެ 2021/SC-A/12 ގެ އުޞޫލުތަކުގެ ދަށުން މުއްދަތު އިތުރުކުރުމުގެ އިޚްތިޔާރަކީ ޕްރޮސިކިއުޓަރ ޖެނެރަލަށް ލިބިފައިވާ ބާރެއް ކަމަށާއި، ހާދިޘާގެ ބާވަތާއި ބައިވެރިންގެ ޢަދަދަށް ބަލާއިރު އިތުރުކުރީ ނުނިޔަތެއްގައި ނޫންކަމަށް ބަލައި ދަށުކޯޓުގެ ނިންމުން ބާޠިލުކުރިއެވެ.