ޕްރޮސިކިއުޓަރ ޖެނެރަލް ވ. އިބްރާޙީމް ސައްމާޙް އަޙްމަދު ފަޠުޙީ

ކްރިމިނަލް ކޯޓުން، ޤާނޫނު ނަންބަރު 17/2010 ގެ 17 ވަނަ މާއްދާއާއި 2019/HC-A/80 ގައިވާ އުޞޫލާ ޚިލާފަށް ދަޢުވާކުރުމުގެ މުއްދަތު ފަހަނައަޅާ ދިޔަފަހުން ހުށަހެޅި ދަޢުވާއެއް ކަމުން ދަޢުވާ ބެލޭނެ ތަނެއް ނެތް ކަމަށް ނިންމިއެވެ.

ތޫނު އެއްޗެއް ބޭނުންކޮށްގެން ޤަޞްދުގައި މީހަކު މެރުމުގެ ތުހުމަތުގައި ހައްޔަރުކުރި ތުހުމަތުކުރެވޭ ފަރާތުގެ މައްޗަށް ދަޢުވާކުރުމުގެ މުއްދަތު ތަޙްޤީޤު ފުރިހަމަނުވެގެން ހަތަރު ފަހަރެއްގެ މަތިން ޖުމްލަ 47 ދުވަސް އިތުރުކޮށް، ހައްޔަރުކުރިތާ 58 ދުވަސް ވީއިރު ދަޢުވާ ކުރިއެވެ.

ޕްރޮސިކިއުޓަރ ޖެނެރަލް ބުނީ ކްރިމިނަލް ކޯޓުން 17/2010 ގެ 17 ވަނަ މާއްދާއާއި ޖިނާއީ އިޖްރާއަތުގެ ޤާނޫނުގެ 94 އާއި 212 ވަނަ މާއްދާތަކަށާއި ތިރީ ކޯޓުތަކުން މަތީ ކޯޓުތަކުގެ ނިންމުންތަކަށް ތަބާވުމުގެ އުޞޫލަށް ރިޢާޔަތްނުކޮށް ނިންމި ކަމަށެވެ. ތުހުމަތުކުރެވޭ ފަރާތުން ބުނީ އޭނާ ހައްޔަރުކުރީ އޭގެ ކުރީ ތާރީޚެއްގައި ކަމަށާއި މުއްދަތު ގުނަންވާނީ އެ ތާރީޚުން ކަމަށެވެ.

ތޫނު އެއްޗެއް ބޭނުންކޮށްގެން ޤަޞްދުގައި މީހަކު މެރުމުގެ ދަޢުވާއެއްގައި، ޤާނޫނު ނަންބަރު 17/2010 ގެ 17 ވަނަ މާއްދާގައިވާ 15 ދުވަހުގެ ދަޢުވާކުރުމުގެ މުއްދަތު 'އެކަށީގެންވާ އެންމެ ކުރު މުއްދަތަކަށް' އިތުރުކުރެވޭނީ ކިހާ މިންވަރަކަށްތޯ، އަދި ޕްރޮސިކިއުޓަރ ޖެނެރަލް ދަޢުވާކުރީ ޤާނޫނީ މުއްދަތު ފަހަނައަޅާފައިވާތީ ދަޢުވާ ނުބެލޭނެ ކަމަށް ކްރިމިނަލް ކޯޓުން ކުރި ނިންމުން ސައްޙަތޯ.

އިސްތިއުނާފު ބާޠިލް، ދަށުކޯޓުގެ ނިންމުން ޤާއިމް (އަޣްލަބިއްޔަތުން)

އަޣްލަބިއްޔަތުން ދެކުނީ ތަޙްޤީޤަށްޓަކައި މުއްދަތު އިތުރުކުރެވޭނީ ޖިނާއީ އިޖްރާއަތުގެ ޤާނޫނުގެ 94 (ރ) ގައިވާ 30 ދުވަހަށް ކަމާއި، 47 ދުވަސް އިތުރުކުރުމަކީ އެ ޙައްދު ފަހަނައެޅުން ކަމުން ކްރިމިނަލް ކޯޓުގެ ނިންމުމަށް ބަދަލު ގެންނަންޖެހޭ ތަނެއް ނެތް ކަމަށެވެ.