ކ. ގުރައިދޫ ކައުންސިލް ވ. މުޙައްމަދު އިބްރާހީމް

މެޖިސްޓްރޭޓް ކޯޓުން ކައުންސިލުގެ ނިންމުން ބާޠިލުކޮށް، 1 މަސްދުވަހުގެ ތެރޭގައި 50x40 ފޫޓަށްވުރެ ކުޑަނޫން ގޯއްޗެއް ދިނުމަށް ކައުންސިލަށް އަމުރުކުރިއެވެ.

1991 ގައި ރަށު އޮފީހުން ދިރިއުޅެން 2 އަހަރު ދީ ބަންޑާރަ ގޯއްޗެއް ޙަވާލުކުރިއެވެ. ފާރު ރާނައިގެން ހުއްޓައި 1995 ގައި އެ ބިން އިންޖީނުގެ އެޅުމަށް ސަރުކާރަށް ނެގިއެވެ. ބަދަލުގައި ގޯއްޗެއް ނުލިބި، 2015 ގައި ކައުންސިލުން އެ ގޯތި ބާޠިލުކަމަށް ކަނޑައެޅިއެވެ.

ދައުލަތުން ބުނީ ޙުކުމް ކުރީ ގޯތި ދޫކުރި ދުވަސްވަރު ޢަމަލުކުރި ގޮތާ ޚިލާފަށް ކަމަށާއި، ފަހުން ހެދި ބިމާބެހޭ ޤާނޫނު ރެޓްރޮސްޕެކްޓިވްކޮށް ތަޠްބީޤުކޮށްފައިވާކަމަށެވެ.

1991 ގައި ދޫކޮށް، ދިރިއުޅެން ނުފަށައި ހުއްޓައި ސަރުކާރުގެ ބޭނުމަށް ނެގި ބަންޑާރަ ގޯއްޗެއްގެ ބަދަލުގައި ގޯއްޗެއް ދޭންޖެހޭތޯ، އަދި އެ ގޯތި ބާޠިލުކަމަށް ކައުންސިލުން ނިންމި ނިންމުން ބާޠިލުކުރުން ރަނގަޅުތޯ.

ދަށުކޯޓުގެ ޙުކުމް ބާޠިލު

އޭރު ޢަމަލުކުރި ޤާނޫނުތަކުގެ ދަށުން ދިރިނޫޅޭ ގޯތި ސަރުކާރަށް ނެގޭ ކަމަށާއި، ބަދަލުގައި ގޯއްޗެއް ދޭންޖެހޭކަމަށް ނައްޞެއް ނެތުމުން ކައުންސިލުގެ ނިންމުމަށް ބަދަލުގެންނަންޖެހޭ ސަބަބެއް ނެތްކަމަށެވެ.