އިބްރާހީމް ހަބީބު ވ. ޢަބްދުލްހާދީ އަބޫބަކުރު

ނޮޅިވަރަމު މެޖިސްޓްރޭޓް ކޯޓުން ދަޢުވާލިބޭ ފަރާތުގެ އިޤްރާރުގެ މައްޗަށް ޖުމްލަ 24,574.42 ރުފިޔާ 3 ހަފްތާތެރޭ ދެއްކުމަށާއި، ކުލީގެ އެއްބަސްވުން ބާޠިލުވީކަމަށް ޙުކުމްކުރިއެވެ.

ފިހާރައެއް މަހަކު 3000 ރުފިޔާއަށް ކުއްޔަށް ހިފި ފަރާތުން 2018 ނޮވެމްބަރުން 2019 މެއި އާ ހަމައަށް ކުލި، ޖޫރިމަނާ އަދި ކަރަންޓް ބިލު ނުދައްކާތީ ކުއްޔަށްދިން ފަރާތުން ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ލިޔެކިޔުން ނުލިބި، ފުރުޞަތު ނުދީ، އެއް ދުވަހުން އަޑުއެހުންތައް ނިންމާ، ދަޢުވާއާ ޚިލާފަށް އަދި ދަޢުވާއަށްވުރެ އިތުރަށް ޙުކުމްކުރި ކަމަށެވެ.

ދަށުކޯޓުގެ ޝަރީޢަތުގައި ކުލީފައިސާ، ޖޫރިމަނާ ފައިސާ އަދި ކަރަންޓް ބިލުގެ ދަރަނި ނުދައްކާ ހުރިކަމަށް އަމިއްލައަށް އިޤްރާރުވެ، އެ އިޤްރާރުގެ މައްޗަށް ކުރެވުނު ޙުކުމަކާމެދު، އިޤްރާރުވި ފަރާތަށް އިސްތިއުނާފުގައި އިންކާރުކުރެވޭނެތޯ (ލިޔެކިޔުން ނުލިބުން، ފުރުޞަތު ނުދިނުން، ދަޢުވާއަށްވުރެ އިތުރަށް ޙުކުމްކުރުން ފަދަ ނުކުތާތައް ހިމެނޭގޮތަށް).

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ދަށުކޯޓުގައި ސޮއިކޮށް ދިން ބަޔާނުގައި ދަޢުވާ ތެދުކަމަށާއި ފައިސާ ނުދައްކާ ހުރިކަމަށް އަމިއްލައަށް އިޤްރާރުވެފައިވާތީ، އެ އިޤްރާރަށް އިންކާރުކުރެވޭނެ ހަމައެއް ނެތެވެ؛ އިޤްރާރުގެ މައްޗަށް ކުރާ ޙުކުމްތަކަށް ކަނޑައެޅި ނިޔާގެ ބާރު ލިބޭނެއެވެ.