އަޙްމަދު ފުއާދު ވ. ބޭންކް އޮފް މޯލްޑިވްސް

ވިލިނގިލީ މެޖިސްޓްރޭޓް ކޯޓުން ދަރަނި ސާބިތުވާކަމަށް ކަނޑައަޅައި، ދެ އަހަރު ތެރޭ މަހުން މަހަށް ފައިސާ ދައްކަން އަންގައި، ނުދައްކައިފިނަމަ ރަހުނު ގޯތި ވިއްކުމުގެ ހުއްދަ ބޭންކަށް ދިން.

ބޭންކް އޮފް މޯލްޑިވްސްއިން ސެންކްޝަން ސިޓީއެއްގެ ޝަރުޠުތަކުގެ ދަށުން ގޯއްޗެއް ރަހުނުކޮށް ދޫކުރި ޑިމާންޑް ލޯނެއްގެ ފައިސާ އެއްބަސްވި ގޮތަށް ނުދައްކާތީ، ފައިސާ ހޯދުމަށާއި ރަހުނު ގޯތި ވިއްކުމުގެ ހުއްދައަށް އެދި ބޭންކުން ދަޢުވާކުރި. ދަރަނިވެރިޔާ ދަޢުވާއަށް އިޢުތިރާފުވި.

އިސްތިއުނާފުކުރި ފަރާތުން ބުނީ ލޯނުގެ ތާވަލަށް ބަދަލު ގެނައުމަށް ބޭންކާ ވާހަކަ ދައްކަމުންދާކަމަށް ބުނި ނަމަވެސް އެކަމަށް ރިޢާޔަތްނުކޮށް، މަދަނީ އިޖުރާއަތާއި 2013/HC-A/81 ގެ އުޞޫލާ ޚިލާފަށް މައްސަލަ ނިންމާފައިވާ ކަމަށް.

ލޯނު ފައިސާ ދައްކާނެ ތާވަލަށް ބަދަލު ގެނައުމަށް ބޭންކާ ވާހަކަ ދައްކަމުންދާކަމަށް ދަރަނިވެރިޔާ ބުނި ނަމަވެސް، އޭނާ އިޢުތިރާފުވި ދަޢުވާގައި ލޯނު ފައިސާ ދައްކައި ރަހުނު ތަންފީޛުކުރުމަށް ދަށުކޯޓުން ކުރި ޙުކުމަކީ މަދަނީ ޚަޞްމަތްތައް ފައިސަލާކުރުމުގެ އުޞޫލުތަކާއި 2013/HC-A/81 ގެ އުޞޫލާ ޚިލާފު ޙުކުމެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ދަރަނިވެރިޔާ ދަޢުވާއަށް އިޢުތިރާފުވެފައިވާތީ ސާބިތުވި ދަޢުވާގެ މައްޗަށް ޙުކުމްކުރުމަކީ އެ އުޞޫލާ އެއްގޮތް ކަމެއް ކަމާއި، ސެންކްޝަން ސިޓީއާ ޚިލާފު އެއްބަސްވުމެއް ވާކަމުގެ ހެއްކެއް ނެތްކަމާއި، ދަށުކޯޓުން ދެއަހަރުގެ މުއްދަތު ދިނުމުން ލުއި ލިބިފައިވާކަމަށް ކަނޑައަޅައި ޙުކުމް ޤާއިމްކުރި.