ޕްރޮސިކިއުޓަރ ޖެނެރަލް ވ. ޢަލީ ސަޢީދު

ފުވައްމުލަކު މެޖިސްޓްރޭޓް ކޯޓުން އިޢުތިރާފުން ކުށް ސާބިތުކޮށް ޖަލަށްލުމާއި 40 އެތިފަހަރުން ޖަލްދުކުރުމަށް ޙުކުމްކޮށް، ސުޕްރީމް ކޯޓުން ޙުކުމްކުރުމާ ހަމައަށް ޙައްދު ތަންފީޛުކުރުން ފަސްކުރިއެވެ.

މަސްތުވާތަކެތި ގެންގުޅެ ވައްކަން ކުރަން އުޅޭކަމަށް ލިބުނު މަޢުލޫމާތަކާ ގުޅިގެން ހުއްޓުވި ފަރާތެއް ތަޙުޤީޤުގައި ބަނގުރާ ބޭނުންކުރާކަމަށް އިޢުތިރާފުވުމުން، ބަނގުރާ ބުއިމުގެ ދަޢުވާ އުފުލިއެވެ.

ޕްރޮސިކިއުޓަރ ޖެނެރަލް އެދުނީ އިޢުތިރާފު ޞައްޙަކަމާއި، ތުހުމަތުކުރެވޭ ފަރާތަށް ޙައްޤުތައް ލިބިދީފައިވާކަމާއި، ޙައްދު މަނާކުރާ ސަބަބެއް ނެތްކަން ކަށަވަރުކުރުމަށެވެ.

ތުހުމަތުކުރެވޭ ފަރާތުގެ އިޢުތިރާފުގެ މައްޗަށް ބަނގުރާ ބުއިމުގެ ކުށް ސާބިތުކޮށް ޖަލާއި 40 އެތިފަހަރުގެ ޖަލްދު ކަނޑައެޅި ފުވައްމުލަކު މެޖިސްޓްރޭޓް ކޯޓުގެ ޙުކުމަކީ ޤާނޫނުލްޢުޤޫބާތާއި ސުޕްރީމް ކޯޓުގެ 2015/14/SC ސަރކިއުލަރގެ ދަށުން ޞައްޙަ ޙުކުމެއްތޯ.

ދަށުކޯޓުގެ ޙުކުމް ޞައްޙަ، ބަދަލު ނުގެނެވޭ

ކުށް ސާފުކޮށް އަންގައި ވަކީލުގެ ޙައްޤު އަންގާފައިވާއިރު އޭނާ އެ ޙައްޤު ދޫކޮށްލިއެވެ. ދެ ޝަރީޢަތުގެ މަޖިލީހުގައި އަމިއްލަ އިޚްތިޔާރުގައި ވެފައިވާ އިޢުތިރާފުން ރުޖޫޢަވެފައި ނުވާތީ ބުއިމާއި ޖިނާއީ ޤަޞްދުގެ ދެ ރުކުން ފުރިހަމަވެ، ޢުޤޫބާތް ޤާނޫނާ އެއްގޮތެވެ.