އިބްރާހީމް އަޙްމަދު މަނިކު ވ. ފައުނު އެންޓަރޕްރައިސަސް ޕވޓ ލޓޑ

ސިވިލް ކޯޓުން ކުލީގެ ދަޢުވާއާއި ވަކީލު ފީގެ ދަޢުވާ ސާބިތުނުވާކަމަށް ކަނޑައަޅައި، ބޭންކުގެ ޗެކްތަކުގެ މައްޗަށް ބިނާކޮށް ޖުމްލަ 258,349 ރުފިޔާ ދެ ދަޢުވާލިބުނު ފަރާތުން ދައްކަންޖެހޭކަމަށް ދަޢުވާލިބުނު ފަރާތްތަކުގެ ޣައިރު ޙާޟިރުގައި ޙުކުމްކުރިއެވެ.

ދެ ފަރުދުން އަނބުރާ ދައްކާގޮތަށް ކުންފުނިން ނަގާފައިވާ 258,349 ރުފިޔާގެ ތެރެއިން ނުލިބިވާ 170,276 ރުފިޔާއާއި، އޮފީހުގެ ކުލިއާއި ވަކީލު ފީ ހޯދުމަށް ކުންފުނިން ސިވިލް ކޯޓުގައި ދަޢުވާކުރި މައްސަލައެކެވެ. ކުންފުނިން ދަޢުވާގައި 88,073 ރުފިޔާ އަނބުރާ ލިބިފައިވާކަމަށް ބަޔާންކޮށްފައިވެއެވެ.

އިސްތިއުނާފުކުރި ފަރާތްތަކުން ބުނީ، ދަޢުވާކުރީ 170,276 ރުފިޔާއަށް ވީނަމަވެސް 258,349 ރުފިޔާއަށް ޙުކުމްކޮށްފައިވާކަމަށާއި، އަނބުރާ ދައްކާފައިވާކަމަށް ދަޢުވާގައި ބުނެފައިވާ 88,073 ރުފިޔާ އުނިނުކޮށް ޙުކުމްކޮށްފައިވާކަމަށެވެ.

ކުންފުނިން އަނބުރާ ދައްކާގޮތަށް ނަގާފައިވާ ފައިސާ ދައްކަން ޖެހޭކަމަށް ކަނޑައަޅައި ސިވިލް ކޯޓުން ކުރި ޙުކުމުގައި، ދަޢުވާކުރި ފަރާތުން އަނބުރާ ލިބިފައިވާކަމަށް އެއްބަސްވެފައިވާ ފައިސާ އުނިނުކޮށް ޙުކުމްކުރުމަކީ ޙުކުމަށް ބަދަލު ގެންނަންޖެހޭ ކަމެއްތޯ.

ބައެއް ބަދަލުކުރި

ދަޢުވާކުރި ކުންފުނިން އަނބުރާ ލިބިފައިވާކަމަށް އެއްބަސްވެފައިވާ 88,073 ރުފިޔާ ދަށުކޯޓުން އުނިކޮށްފައި ނުވާތީ، އެ ޢަދަދު އުނިކޮށް، ޙަސަން ދައްކަންޖެހޭ ޢަދަދު 39,283.50 ރުފިޔާއަށާއި އިބްރާހީމް އަޙްމަދު މަނިކު ދައްކަންޖެހޭ ޢަދަދު 130,992.50 ރުފިޔާއަށް ހައިކޯޓުން ބަދަލުކުރިއެވެ.