ޖުޑީޝަލް ސަރވިސް ކޮމިޝަން ވ. ފާޠިމަތު ސަންހާ

ބަދަލަކީ އިޞްލާޙީ ފިޔަވަޅެއްގެ ގޮތުން ގެނައި ބަދަލެއް ކަމުން ޤަވާއިދާ އެއްގޮތަށް ކުރި ބަދަލެއް ނޫންކަމަށް ކަނޑައަޅައި، 15 ދުވަހުގެ ތެރޭގައި ބަދަލު އިޢާދަކޮށް މުސާރައާއި ޢިނާޔަތްތައް ދިނުމަށް ވަޒީފާއާބެހޭ ޓްރައިބިއުނަލުން އަމުރުކުރިއެވެ.

ލ.ފޮނަދޫ މެޖިސްޓްރޭޓް ކޯޓުގެ ކޯޓު އޮފިސަރަކު، މަޝްވަރާއާއި ރުހުމެއްނެތި ލ.މާވަށު މެޖިސްޓްރޭޓް ކޯޓަށް ޖުޑީޝަލް އެޑްމިނިސްޓްރޭޝަނުން ބަދަލުކުރިއެވެ. ބަދަލުކުރީ އޭނާގެ އަޚްލާޤީ މައްސަލަތަކާ ގުޅިގެން ކޯޓުން ފިޔަވަޅަކަށް އެދުމުން، ވަޒީފާއިން ވަކިކުރެވެން ނެތުމުންނެވެ. ޓްރައިބިއުނަލަށް މައްސަލަ ހުށަހެޅުމުގެ ކުރިން 18 ޖުލައި 2016 ގައި އޭނާ ވަޒީފާއިން ވަކިކުރިއެވެ.

ދައުލަތުން ބުނީ ޓްރައިބިއުނަލުން ޝަރުޢީ ދާއިރާގެ މުވައްޒަފުންގެ ޤަވާއިދު 2011 ގެ 74 ވަނަ މާއްދާގެ (ށ) މާނަކޮށް ތަޠްބީޤުކުރީ ރަނގަޅަށް ނޫން ކަމަށާއި، އިޞްލާޙީ ފިޔަވަޅާބެހޭ އުޞޫލާ ޚިލާފަށް ނިންމި ކަމަށާއި، ވަޒީފާއިން ވަކިކުރެވި ޙާލަތު ބަދަލުވެފައިވާއިރު އެކަމަށް ރިޢާޔަތްނުކޮށް ވަޒީފާ އިޢާދަކުރަން އެންގުމަކީ A/2014-52/SC އާ ޚިލާފު ކަމަށެވެ.

ޝަރުޢީ ދާއިރާގެ މުވައްޒަފަކު އަޚްލާޤީ މައްސަލަތަކާ ގުޅުވައި އެހެން ކޯޓަކަށް ބަދަލުކުރުމަކީ ޝަރުޢީ ދާއިރާގެ މުވައްޒަފުންގެ ޤަވާއިދު 2011 ގެ 74 ވަނަ މާއްދާގެ ދަށުން ކުރެވޭނެ ކަމެއްތޯ، އަދި ބަދަލުކުރުމަށްފަހު ވަޒީފާއިން ވަކިކުރެވިފައިވާއިރު ކުރީގެ މަޤާމަށް އިޢާދަކުރަން އަމުރުކުރެވޭނެތޯ.

ބައެއް ބަދަލުކުރި؛ ބަދަލުކުރުން ޤަވާއިދާ ޚިލާފުކަމަށް ނިންމި ބައި ޤާއިމް، އިޢާދަކުރުމުގެ އަމުރު ބާޠިލުކޮށް ވަކިކުރުމާމެދު ބެލުމަށް ޓްރައިބިއުނަލަށް ތަޙްވީލުކުރި

ޝަރުޢީ ދާއިރާގެ މުވައްޒަފުންގެ ޤަވާއިދު 2011 ގެ 74 ވަނަ މާއްދާއަކީ ހިންގުން ހަރުދަނާކުރުމަށް ބަދަލުކުރުމުގެ މާއްދާއެއް ކަމުން އަޚްލާޤީ މައްސަލައަކަށް ފިޔަވަޅެއްގެ ގޮތުން ބަދަލުކުރުން ޤަވާއިދާ އެއްގޮތެއް ނޫނެވެ. ނަމަވެސް މައްސަލަ ހުށަހެޅުމުގެ ކުރިން ވަކިކުރެވިފައިވާތީ، ވަކިކުރުމަށް ނުބަލައި އިޢާދަކުރަން އެންގުމަކީ އިންސާފުވެރި ނަތީޖާއެއް ނޫނެވެ.