ޙަސަން ޢަބްދުލްޣަފޫރު ވ. ޕްރޮސިކިއުޓަރ ޖެނެރަލް

ކްރިމިނަލް ކޯޓުން ކުށް ސާބިތުކޮށް، 12/2009 ގެ 6 ވަނަ މާއްދާގެ (ށ) ގެ ދަށުން 7 އަހަރު ދުވަހަށް ޖަލަށްލުމަށް ޙުކުމްކޮށްފައިވެއެވެ.

ތުހުމަތުކުރެވޭ ފަރާތް ކުޑަކުއްޖަކަށް އައިޕެޑުން އޮރިޔާން/ޖިންސީ މަންޒަރު ދެއްކިކަމަށް ދައުލަތުން ދަޢުވާކުރި މައްސަލައެކެވެ.

ކުއްޖާގެ ބަޔާނުގައި އޮރިޔާން މަންޒަރެއްގެ ވާހަކަ ސީދާ ނެތްކަމާއި، ފޮޓޯތައް ޑައުންލޯޑްކުރިކަން ސާބިތުނުވާކަމާއި، މުއްދަތަށްފަހު ސީޑީއެއް ބަލައިގަތްކަމާއި، ޤާނޫނު ނަންބަރު 12/2009 (ކުޑަކުދިންނަށް ޖިންސީ ގޯނާކުރާ މީހުންނާމެދު ޚާއްޞަ އުޞޫލުތަކަކަށް ޢަމަލުކުރުމުގެ ޤާނޫނު) ގެ 47 ވަނަ މާއްދާގެ 5 ބާވަތެއްގެ ހެކި ނެތްކަން އިސްތިއުނާފުކުރި ފަރާތުން ބުނެފައިވެއެވެ.

ކުޑަކުއްޖަކަށް ޖިންސީ ޢަމަލު ހިންގާ މަންޒަރު ދެއްކުމުގެ ކުށް ސާބިތުކުރުމަށް ހުށަހެޅުނު ހެކި، ހެކި ހުށަހެޅުމުގެ މުއްދަތަށް ފަހު ހުށަހެޅި ހެއްކެއް ބަލައިގަތުން، އަދި ޤާނޫނު ނަންބަރު 12/2009 ގެ 47 ވަނަ މާއްދާގައިވާ ހެކީގެ މިންގަނޑު ފުރިހަމަވިތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ކުއްޖާގެ ބަޔާނުން ޖިންސީ ޢަމަލެއްގެ ވީޑިއޯ ދެއްކިކަން ސާފުކަމާއި، ޑައުންލޯޑްކުރިކަން ސާބިތުކުރަންޖެހޭ ޢުންޞުރެއް ނޫންކަމާއި، ހެކި ބަލައިގަތީ ޢަމަލުކުރަމުންދިޔަ އިޖުރާއަތާ އެއްގޮތަށްކަމާއި، ޤާނޫނު ނަންބަރު 12/2009 (ކުޑަކުދިންނަށް ޖިންސީ ގޯނާކުރާ މީހުންނާމެދު ޚާއްޞަ އުޞޫލުތަކަކަށް ޢަމަލުކުރުމުގެ ޤާނޫނު) ގެ 47 ވަނަ މާއްދާގެ ހެކި ހަމަވާކަމަށް ކޯޓު ނިންމިއެވެ.