ޙަައްވާ ނާޞިޙާ ވ. މުޙައްމަދު ނާޝިދު

ސިވިލް ކޯޓުން، 595,000ރ. ގެ ކުލިއާ ހަވާލުވެފައިވަނީ އިސްތިއުނާފުކުރި ފަރާތްކަން ސާބިތުވާކަމަށް ކަނޑައަޅައި، އެ ފައިސާ ބައްޕަގެ ބޭންކް އެކައުންޓަށް 15 ދުވަހުގެ ތެރޭގައި ޖަމާކުރުމަށާއި، ކުލި ނުނެގުމަށާއި ގޯތި ކުއްޔަށް ދިނުމުގެ މުޢާމަލާތެއް ނުކުރުމަށް އެންގިއެވެ.

ޙަޖުރުކުރެވިފައިވާ ބައްޕަގެ މުދާ ބެލެހެއްޓުމާ ދެ ދަރިން ހަވާލުކުރެވިފައިވަނިކޮށް، އޭގެ ތެރެއިން އެކަކު ގޯތީގެ ކުލި އަމިއްލަ ބޭނުމަށް ހޭދަކުރާތީ، ކުރިން ހޯދި ފައިސާގެ ފަހުން ލިބުނު 17 މަހުގެ ކުލި ހޯދުމަށާއި ކުލި ނުނެގުމަށް އެންގުމަށް އަނެއް ދަރިފުޅު ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ސުޕްރީމް ކޯޓަށް އިސްތިއުނާފުކުރެވިފައިވާ 2016/HC-A/412 ގެ ބާރު ފަސްވެފައިވާތީ އެއަށް ބަރޯސާވެގެން ކުރި ޙުކުމަކީ ޤާނޫނުއަސާސީގެ 56 ވަނަ މާއްދާގެ އިސްތިއުނާފުގެ ޙައްޤާ ޚިލާފު ޙުކުމެއް ކަމަށާއި، ޙަޖުރުގެ ނިހާއީ ޙުކުމުގެ ނިހާއީކަން ގެއްލޭ ގޮތަށް ޙުކުމްކޮށްފައިވާ ކަމަށެވެ.

ޙަޖުރުކުރެވިފައިވާ ބައްޕަގެ ގޯތީގެ ކުލި ބެލެހެއްޓުމާ ހަވާލުވި ދަރިއަކަށް، ލިބުނު ކުލި ބައްޕަގެ ބޭންކް އެކައުންޓަށް ޖަމާކުރުމަށް އެންގި ޙުކުމަކީ، ސުޕްރީމް ކޯޓަށް އިސްތިއުނާފުކުރެވިފައިވާ ހައިކޯޓު ޙުކުމަކަށް ބަރޯސާވެގެން ކުރެވުނު، އިސްތިއުނާފުގެ ޙައްޤާ ޚިލާފު ޙުކުމެއްތޯ؛ އަދި ޙަޖުރުގެ ނިހާއީ ޙުކުމާ (res judicata) ޚިލާފު ޙުކުމެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

2011/SC-SJ/04 ގެ އުޞޫލު ތަޠްބީޤުވަނީ ތަންފީޒުކުރުމުގެ އަމުރެއް ނެރެފައިވާ ޙާލަތުގައި ކަމާއި، ހައިކޯޓު ޙުކުމް ހުއްޓުވުމުގެ އަމުރެއް ސުޕްރީމް ކޯޓުން ނެރެފައި ނުވާތީ އެ ޙުކުމަށް ޢަމަލުކުރުން ޞައްޙަ ކަމާއި، އަމާނާތްތެރިކަމާއެކު ޢަމަލުނުކުރާ ބަލަހައްޓާ ފަރާތާ މެދު ޙަޖުރުގެ ނިންމުމަށް ބަދަލު ގެނައުމަކީ ރެސްޖުޑިކާޓާއާ ޚިލާފު ކަމެއް ނޫން ކަމެވެ.