2016/HC-A/412

ސިވިލް ކޯޓުން 9 މަހުގެ ކުލީގެ 315,000 ރުފިޔާއަށް އިސްތިއުނާފުކުރި ފަރާތް ޒިންމާވާންޖެހޭނެކަމަށް ކަނޑައަޅައި، 3 މަހުގެ ތެރޭގައި އެ ފައިސާ ބައްޕަގެ ބޭންކް އެކައުންޓަށް ޖަމާކުރަން އެންގިއެވެ.

ޙަޖުރުކުރެވުނު ބައްޕަގެ ގޯއްޗަށް ލިބުނު ކުލި، ޙަޖުރުކުރުމުގެ ޙުކުމުގެ ފަހުންވެސް މުދާ ބެލެހެއްޓުމާ ޙަވާލުވި ދަރިއަކު ނަގަމުން ދިޔައެވެ. އެ ފައިސާ ބައްޕައާއި މަންމަގެ ޚަރަދުތަކަށް ހޭދަކުރިކަން ސާބިތުވެފައި ނުވެއެވެ.

އިސްތިއުނާފުކުރި ފަރާތުން ބުނީ ކުލި ބައްޕަގެ އެކައުންޓަށް ޖަމާކުރަން ނިންމުމާއި ކުލީގެ އެއްބަސްވުމާމެދު ވަކިގޮތަކަށް ޢަމަލުކުރަން ނިންމުމަކީ ޙަޖުރުކުރުމުގެ ޙުކުމާ ޚިލާފު ކަމެއްކަމަށެވެ.

ޙަޖުރުކުރެވުމަށްފަހު ޙަޖުރުކުރެވުނު ފަރާތުގެ ގޯތިން ލިބުނު ކުލީގެ ފައިސާގެ ޒިންމާ އެ ފައިސާ ނެގި ދަރިއަކަށް އުފުލަން ޖެހޭކަމަށާއި، އެ ފައިސާ ޙަޖުރުކުރެވުނު ފަރާތުގެ އެކައުންޓަށް ޖަމާކުރަން ސިވިލް ކޯޓުން އެންގުމަކީ ޙަޖުރުކުރުމުގެ ޙުކުމާ ޚިލާފު ކަމެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމުގެ އެބައި ޤާއިމް

ޙަޖުރުކުރުމަށްފަހު ޢަމަލުކުރަންޖެހޭނީ ޙަޖުރުގެ ޙުކުމަށެވެ. ލިބުނު ކުލި ބަޔާންކުރެވިފައިވާ ބޭނުމުގައި ހޭދަކުރިކަން ސާބިތުކޮށްދެވިފައި ނުވާތީ އޭގެ ޒިންމާ އުފުލަން ޖެހެއެވެ. އެކައުންޓަށް ޖަމާކުރަން އެންގުމަކީ މަސްލަޙަތު ހުރި ގޮތަކަށާއި ޙަޖުރުގެ ޙުކުމް ތަންފީޛުކުރެވޭނެ ގޮތަކަށެވެ.