2016/HC-A/406

ސިވިލް ކޯޓުން ކުލީގެ 315,000 ރުފިޔާއަށް ދަޢުވާލިބޭ ފަރާތް ޒިންމާވާންޖެހޭނެކަމަށް ކަނޑައަޅައި ބައްޕަގެ އެކައުންޓަށް ޖަމާކުރަން އެންގި ނަމަވެސް، މުދާ ބެލެހެއްޓުން އޭނާގެ ކިބައިން ވަކިކުރުމަކީ ކުރެވެން ނެތް ކަމެއްކަމަށް ކަނޑައެޅިއެވެ.

ސިވިލް ކޯޓުން ބައްޕަ ޙަޖުރުކޮށް އޭނާގެ މުދާ ބެލެހެއްޓުން ދެ ދަރިއަކާ ޙަވާލުކުރިއެވެ. އެހެން ދަރިންތަކެއް ދަޢުވާކުރީ އޭގެ ތެރެއިން އެކަކު ކުލީގެ ފައިސާ އަމާނަތްތެރިކަމާއެކު ބަލަހައްޓާފައި ނުވާތީ، އޭނާގެ ކިބައިން އެ ޒިންމާ ވަކިކޮށް އެހެން ދަރިއަކާ ޙަވާލުކުރުމަށެވެ.

އިސްތިއުނާފުކުރި ފަރާތްތަކުން ބުނީ، ފައިސާ ޚަރަދުކޮށް އެކައުންޓު ހުސްކޮށްފައިވާކަމަށް ރިޢާޔަތްކޮށްފައި ނުވާކަމަށާއި، ބަދަލު ހަމަޖެއްސުމަށް ޢާއިލާގެ ގިނަ ބަޔެއްގެ ތާއީދު ލިބިފައިވާކަމަށެވެ.

ޙަޖުރުކުރެވިފައިވާ ފަރާތެއްގެ މުދަލާއި ފައިސާ ބެލެހެއްޓުމަށް ކޯޓުން ހަމަޖައްސާފައިވާ ފަރާތް އެ މުދަލަށް އަމާނަތްތެރި ނުވެއްޖެނަމަ، އެ ފަރާތުގެ ކިބައިން އެ ޒިންމާ ވަކިކުރެވޭނެތޯ.

ދަށުކޯޓުގެ ޙުކުމުގެ ބައެއް ބާޠިލު؛ ބެލެހެއްޓުމުގެ ޒިންމާ އެހެން ފަރާތަކާ ޙަވާލުކުރުމަށް މައްސަލައެއް ހުށަހަޅައިފިނަމަ ސިވިލް ކޯޓުން ގޮތެއް ކަނޑައަޅަން އެންގި

ކުލީގެ ފައިސާ ފިލްމެއް ހެދުމަށް ޚަރަދުކުރިކަމަށް ބުނި ނަމަވެސް އެއީ ބައްޕަގެ މަސްލަޙަތުގައި ކުރި ޚަރަދެއްކަން ނޭނގޭތީ އިހުމާލުވެފައިވާކަމަށް ބެލެވެއެވެ. އެހެންކަމުން އޭނާގެ ޒިންމާ ނިމުމަކަށް ގެންނަން ޖެހެއެވެ. ނަމަވެސް ދަރިން ތަފާތު ފަރާތްތައް ހުށަހަޅާތީ، ހަމަޖައްސާނެ ފަރާތް ސިވިލް ކޯޓުން ކަނޑައަޅަން ޖެހެއެވެ.