2017/HC-A/194

މުޖުތަމަޢުގެ ހަމަޖެހުމާއި ސަލާމަތާއި ރައްކާތެރިކަމަށްޓަކައި ހޯމް މިނިސްޓްރީން ކަނޑައަޅާ ތަނެއްގައި 15 ދުވަހަށް ބަންދުކުރަން ކްރިމިނަލް ކޯޓުން އަމުރުކުރިއެވެ.

ރައްޔިތުންގެ މެދުގައި ފިތުނަފަސާދަ އުފެއްދުމާއި ޙަޤީޤަތާ ޚިލާފު މަޢުލޫމާތު ފެތުރުމުގެ ތުހުމަތުގައި ބަންދުގައިވާ ފަރާތެއްގެ ބަންދުގެ މުއްދަތު އިތުރުކުރުމަށް ފުލުހުން އެދުނެވެ. މި އަމުރުގެ ކުރިންވެސް ތިން ފަހަރު ބަންދުގެ މުއްދަތު އިތުރުކޮށްފައިވިއެވެ.

މުޖުތަމަޢަށް ނުރައްކާވާނެ އިޙްތިމާލެއް ފުލުހުން ސާބިތުކޮށްފައިނުވާކަމަށާއި، ބަންދުގެ ޟަރޫރަތާއި 2010/SC-A/19 ގައިވާ ކަންކަމަށް ދަށުކޯޓުން ރިޢާޔަތްކޮށްފައިނުވާކަމަށް ތުހުމަތުކުރެވޭ ފަރާތުން ބުނެއެވެ.

ރައްޔިތުންގެ މެދުގައި ފިތުނަފަސާދަ އުފެއްދުމާއި ޙަޤީޤަތާ ޚިލާފު މަޢުލޫމާތު ފެތުރުމުގެ ތުހުމަތުގައި، މުޖުތަމަޢުގެ ހަމަޖެހުމާއި ސަލާމަތަށްޓަކައި ހޯމް މިނިސްޓްރީން ކަނޑައަޅާ ތަނެއްގައި 15 ދުވަހަށް ބަންދުކުރަން ކްރިމިނަލް ކޯޓުން ނެރުނު އަމުރަކީ ޤާނޫނުއަސާސީގެ 49 ވަނަ މާއްދާއާއި ބަންދާބެހޭ ޤަވާޢިދުގެ 7 ވަނަ މާއްދާއާއި ސުޕްރީމް ކޯޓުގެ 2010/SC-A/19 ގެ އުޞޫލުތަކާ އެއްގޮތް އަމުރެއްތޯ.

ކްރިމިނަލް ކޯޓުގެ ބަންދުގެ އަމުރު ބާޠިލު، ޝަރުޠުތަކާއެކު ބަންދުން ދޫކޮށްލި

ބަންދުގައި ބެހެއްޓެނީ ފުދޭ ހެކި ހުރެ ޟަރޫރަތެއް ހުރިނަމަ އެކަނިއެވެ. ކުށަށް ކަނޑައެޅިފައިވާ އަދަބު، ތަޙްޤީޤު ގޮސްފައިވާ ހިސާބު، ބަންދުގައި ހޭދަވި މުއްދަތު، ކުށުގެ ރެކޯޑު ފަދަ ކަންކަމަށް ބަލައި، ހައިކޯޓުން ކުރި ޝަރުޠުތަކަށް އެއްބަސްވާތީ ޝަރުޠުތަކާއެކު ދޫކޮށްލުމަށް ނިންމިއެވެ.