2016/HC-A/95

ތަޙްޤީޤު ނިމިފައިވާތީ އިތުރަށް ބަންދުގައި ބަހައްޓަންޖެހޭ ސަބަބެއް ނެތްކަމަށް ބުނެ، އެޑްރެހާއި ގުޅޭނެ ނަންބަރު ފުލުހުންނަށް އެނގޭގޮތަށް އުޅުމުގެ ޝަރުޠާއެކު ދޫކޮށްލުމަށް ކްރިމިނަލް ކޯޓުން އަމުރުކުރިއެވެ.

ރައީސުލްޖުމްހޫރިއްޔާ ހައްޔަރުކުރުމަށް އަމުރެއް ނެރެފައިވާކަމަށް ދެއްކުމަށް މެޖިސްޓްރޭޓް ކޯޓެއްގެ ނަމުގައި ޞައްޙަނޫން ކޯޓު އަމުރެއް ތައްޔާރުކުރުމުގައި އިސްވެ ހަރަކާތްތެރިވިކަމަށް ތުހުމަތުކުރެވޭ މީހެއްގެ ބަންދު އިތުރުކުރުމަށް ފުލުހުން އެދުނެވެ.

ހެކިންނަށް ނުފޫޒު ފޯރުވައި ހެކި ނައްތާލުމުގެ ނުރައްކަލާއި މުޖުތަމަޢުގެ ސަލާމަތަށް ބަލައި، 2010/SC-A/19 ގެ އުޞޫލުތަކަށް ރިޢާޔަތްނުކޮށް އަމުރު ނެރުނުކަމަށް ޕްރޮސެކިއުޓަރ ޖެނެރަލް ބުންޏެވެ. ތުހުމަތުކުރެވޭ ފަރާތުން ސިއްޙީ ޙާލަތަށް ބަލައި ގޭބަންދަށް އެދުނެވެ.

ތަޙްޤީޤު ނިމިފައިވުމުން އިތުރަށް ބަންދުގައި ބަހައްޓަންޖެހޭ ސަބަބެއް ނެތްކަމަށް ބުނެ، ތުހުމަތުކުރެވޭ މީހަކު ޝަރުޠާއެކު ދޫކޮށްލުމަށް ކްރިމިނަލް ކޯޓުން ނެރުނު އަމުރު ޞައްޙަތޯ.

ދަށުކޯޓުގެ އަމުރު ބާޠިލު؛ މިނިސްޓްރީ އޮފް ހޯމް އެފެއާޒުން ކަނޑައަޅާ ތަނެއްގައި 7 ދުވަހަށް ބަންދުކުރުމަށް އަމުރުކުރި

ކުށުގެ ބާވަތާއި ނުރައްކާތެރިކަމާއި ތަބީޢަތާއި ބައިވެރިންގެ ޢަދަދާއި ކުޑަބޮޑު މިނަށް ބަލާއިރު، ދޫކޮށްލުމަކީ މުޖުތަމަޢުގެ ސަލާމަތަށް ނުރައްކާ މެދުވެރިވެދާނެ ކަމެއްކަމާއި ހެކިންނަށް ނުފޫޒު ފޯރުވާނެކަމަށް ޤަބޫލުކުރެވެއެވެ؛ ތަޙްޤީޤު ނިމުމަކީ ބަލަންޖެހޭ ޝަރުޠެއް ނޫނެވެ؛ ބަލި ޙާލަތަކީ ގޭބަންދަށް ބަދަލުކުރަންޖެހޭވަރުގެ ޙާލަތެއް ނޫނެވެ.