2016/HC-A/53

ކްރިމިނަލް ކޯޓުން، ކުށުގެ ރެކޯޑާއި ލިބިފައިވާ އިންޓެލިޖެންސް މަޢުލޫމާތަށް ބަލާއިރު އިތުރަށް ބަންދުކުރަން ނުފެންނާތީ ބަންދުން ދޫކޮށްލުމަށް އަމުރުކުރިއެވެ.

މަސްތުވާތަކެތި ބޭނުންކޮށް ގެންގުޅެ ޓްރެފިކްކުރުމުގެ ތުހުމަތުގައި ބަންދުކުރެވުނު މައްސަލައެކެވެ. ތުހުމަތުކުރެވޭ ފަރާތުގެ ހަށިގަނޑުގައި ޓޭޕްކޮށްފައި 76.75 ގްރާމްގެ މަސްތުވާތަކެތިކަމަށް ޝައްކުކުރެވޭ އެއްޗެއް ފެނި ކެނަބިސްއަށް ޕޮޒިޓިވްވިއިރު، ކުޑަކަމުދާތަކެތީގެ ތަޙްލީލުވެސް ޓީ.އެޗް.ސީ އަށް ޕޮޒިޓިވްވިއެވެ.

ޕްރޮސިކިއުޓަރ ޖެނެރަލްގެ އޮފީހުން ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ބަންދާމެދު ގޮތެއް ނިންމުމުގެ ޤަވާޢިދުގެ 7 (ހ) އާ ޚިލާފު، އަދި 2010/SC-A/19 ގެ 9 ވަނަ ނުކުތާގެ އުޞޫލުތަކަށް ރިޢާޔަތްނުކޮށް ނެރުނު އަމުރެއްކަމަށެވެ.

މަސްތުވާތަކެތި ބޭނުންކުރުން، ގެންގުޅުމާއި ވިޔަފާރިކުރުމުގެ ތުހުމަތުގައި ބަންދުކުރެވިފައިވާ މީހަކު، ކުށުގެ ރެކޯޑާއި އިންޓެލިޖެންސް މަޢުލޫމާތަށް ބަލާއިރު އިތުރަށް ބަންދުކުރަން ނުފެންނާތީ ދޫކޮށްލި ކްރިމިނަލް ކޯޓުގެ އަމުރަކީ ޤާނޫނުއަސާސީގެ 49 ވަނަ މާއްދާއާއި 2010/SC-A/19 ގެ އުޞޫލުތަކާ އެއްގޮތް އަމުރެއްތޯ.

ދަށުކޯޓުގެ އަމުރު ބާޠިލު؛ 10 ދުވަހަށް ބަންދުގައި ބެހެއްޓުމަށް އަމުރުކުރި

މަސްތުވާތަކެތީގެ ކުށަކީ މުޖުތަމަޢަށް ނުރައްކާތެރި ކުށަކަށްވެ، 2010/SC-A/19 ގައިވާ ފެކްޓަރުތަކަށް ބަލާއިރު ދޫކޮށްލައިފިނަމަ މުޖުތަމަޢުގެ ސަލާމަތަށް ނުރައްކާވެދާނެކަމަށް ބެލެވޭތީ ދޫކޮށްލި އަމުރަށް ބަދަލުގެންނަންޖެހެއެވެ.