2016/HC-A/92

ބިލާއި ހެކިންގެ ހެކިބަހުން ދަޢުވާ މަދަނީ މިންގަނޑުން ސާބިތުވާތީ ދަޢުވާގައިވާ ފައިސާ ދެއްކުމަށް ސިވިލް ކޯޓުން ޙުކުމްކުރި.

ގޭގައި ޓީ.ވީ ސްޓޫޑިއޯއެއް ހެދުމަށް ކުރި ވަޑާމުގެ މަސައްކަތުގެ އަގު 118,797 ރުފިޔާ ހޯދުމަށް މަސައްކަތްކުރި ފަރާތުން ދަޢުވާކުރި؛ މަސައްކަތް ޙަވާލުކުރިކަމަށް ދަޢުވާލިބުނު ފަރާތުން އިންކާރުކުރި، އަދި ލިޔުމުން އެއްބަސްވުމެއް ނެތް.

އިސްތިއުނާފުކުރި ފަރާތުން ބުނީ މަސައްކަތް ޙަވާލުކުރިކަން ސާބިތުވާކަމަށް ނިންމާފައިވަނީ ހެކިބަހަށް ފުރިހަމައަށް ރިޢާޔަތްކުރުމެއްނެތި، ފަނޑިޔާރުންގެ ޤާނޫނުގެ 5 (ށ) (1) އާ ޚިލާފަށްކަމަށެވެ.

ލިޔުމުން އެއްބަސްވުމެއް ނެތި ކުރި ވަޑާމުގެ މަސައްކަތެއްގެ އަގު ހޯދުމަށް ކުރި ދަޢުވާގައި، މަސައްކަތް ޙަވާލުކުރިކަން ހެކިބަހުން މަދަނީ މިންގަނޑުން ސާބިތުވާކަމަށް ދަށުކޯޓުން ނިންމާފައިވަނީ ހެކިބަހަށް ފުރިހަމައަށް ރިޢާޔަތްކުރުމެއްނެތިތޯ؛ އަދި ފައިސާގެ ޢަދަދު ކަށަވަރުކުރާނީ ކިހިނެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް (ހައިކޯޓުން ދަޢުވާކުރި ފަރާތަށް އަލް ޔަމީނުލް މުތައްމިމާ ހުވާ އެރުވުމަށްފަހު)

ހެކިންގެ ހެކިބަހުން މަސައްކަތް ޙަވާލުކުރިކަމާއި ބިލު ލިބުނުކަން ސާބިތުވާއިރު، މަސައްކަތްތަކާއި ފައިސާގެ ޢަދަދު ހެކިބަހުން އެކަނި ކަށަވަރުނުވާތީ ދަޢުވާކުރި ފަރާތަށް އަލް ޔަމީނުލް މުތައްމިމާ ހުވާ އެރުވުމުން އޭނާ ހުވާކުރި؛ އެހެންކަމުން ޙުކުމަށް ބަދަލު ގެންނަންޖެހޭ ސަބަބެއް ނެތް.