2015/HC-A/331

ސިވިލް ކޯޓުން ދަޢުވާލިބޭ ފަރާތުގެ ޣައިރު ޙާޟިރުގައި މައްސަލަ ހިންގައި، ޚާލިސް ދަރަނީގެ މުޢާމަލާތުގައި ފައިދާއާއި ޖޫރިމަނާ ނަގައިނުދެވޭނެކަމަށް ކަނޑައަޅައި، 300,000 ރުފިޔާ ދައްކަން ޙުކުމްކުރިއެވެ.

އެނަރޖީ ޑްރިންކްސް ރާއްޖެ ގެނައުމުގެ ވިޔަފާރީގެ އެއްބަސްވުމެއްގެ ދަށުން ދަޢުވާކުރާ ފަރާތުން 300,000 ރުފިޔާ ދީ، 45 ދުވަހުގެ ތެރޭގައި ފައިދާއާއެކު 400,000 ރުފިޔާ އަނބުރާ ދިނުމަށާއި ލަސްވާ ކޮންމެ ދުވަހަކަށް 500 ރުފިޔާ ދިނުމަށް އެއްބަސްވެފައިވާއިރު، ފައިސާ އަނބުރާ ދިނުމަށް ދިން ޗެކް ބައުންސްވިއެވެ.

އިސްތިއުނާފުކުރި ފަރާތުން ބުނީ ޣައިރު ޙާޟިރުގައި މައްސަލަ ހިންގީ ޤަވާޢިދާއި ހައިކޯޓުގެ ސާބިޤާއާ ޚިލާފަށް ކަމަށާއި، ފައިސާ ލިބިފައި ނުވާކަމަށާއި، ޗެކުގެ ޞައްޙަކަން ނުބަލާ ސާބިތުނުވާ ހެއްކަކަށް ބިނާކޮށް ޙުކުމްކުރި ކަމަށެވެ.

ދަޢުވާލިބޭ ފަރާތަށް ފައިސާ ލިބިފައިވާކަން ހެކިބަހާއި ޗެކުގެ ޤަރީނާއިން ސާބިތުވޭތޯއާއި، ދަޢުވާލިބޭ ފަރާތުގެ ޣައިރު ޙާޟިރުގައި ސިވިލް ކޯޓުން މައްސަލަ ހިންގި އިޖުރާއާތު ޝަރުޢީ އަދި ޤާނޫނީ އުޞޫލުތަކާ އެއްގޮތްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

އެއްބަސްވުމަށް އިންކާރުނުކުރާއިރު ހެކިބަހުން ފައިސާ ލިބުނުކަން ސާބިތުވާކަމާއި، ޗެކަކީ ދަޢުވާއަށް ބާރުދޭ ޤަރީނާއެއްކަމާއި، ޗެކުގެ ޞައްޙަކަމަށް އުފައްދާ ކަންކަން ސާބިތުކުރަންޖެހެނީ އެ އުފައްދާ ފަރާތުންކަމާއި، ދެފަހަރު ޗިޓު ރައްދުވެ ޙާޟިރުނުވީ މަޤްބޫލު ސަބަބަކާހުރެ ކަމަށް ނުބުނާތީ ޣައިރު ޙާޟިރުގައި ހިންގުން ޞައްޙަކަމެވެ.