2016/HC-A/435

ސިވިލް ކޯޓުން ދަޢުވާކުރާ ފަރާތުގެ ދަފްޢު ސާބިތުނުވާތީ ދަޢުވާ ސާބިތުނުވާކަމަށް ކަނޑައެޅިއެވެ.

ދަޢުވާކުރާ ފަރާތް ކުންފުންޏަކަށް އަނބުރާ ދައްކާގޮތަށް 250,000 ރުފިޔާ ދިނުމުން އެ ފައިސާ ދެއްކުމަށް ދިން ޗެކު ބައުންސްވިއެވެ. ކުންފުނިން 300,000 ރުފިޔާ ދީފައިވާކަމަށް ބުނުމުން، އެ ފައިސާ ލިބުނުކަން ދަޢުވާކުރާ ފަރާތް ޤަބޫލުކޮށް، އެއީ ޓިކެޓުގެ ފައިސާއާއި ވިޔަފާރީގެ ފައިދާކަމަށް ބުންޏެވެ.

އިސްތިއުނާފުކުރި ފަރާތުން ބުނީ ކުންފުނިން ބުނާ މުޢާމަލާތަކީ ތަފާތު މުޢާމަލާތެއްކަމަށާއި، ވާޤިޢާތަކުން ދަފްޢު ސާބިތުވާއިރު ޙަޤީޤަތްތަކަށް އެކަށީގެންވާ މިންވަރަށް ނުބަލާ ނިންމި ކަމަށެވެ.

ބައުންސްވި ޗެކެއްގެ ފައިސާ ހޯދުމުގެ ދަޢުވާއެއްގައި، ދަޢުވާ ރައްދުވާ ފަރާތުން ދެއްކިކަމަށް ބުނާ ފައިސާ ލިބުނުކަމަށް ދަޢުވާކުރާ ފަރާތް އެއްބަސްވެ، އެއީ އެހެން މުޢާމަލާތްތަކަކާ ގުޅޭ ފައިސާކަމަށް ބުނާއިރު، އެ ދަފްޢު ސާބިތުކުރުމުގެ ބުރަ އޮތީ ކާކުގެ މައްޗަށްތޯއާއި، އެ ދަފްޢު ސާބިތުވިތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ފައިސާ ލިބުނުކަން ޤަބޫލުކޮށް އެއީ އެހެން މުޢާމަލާތެއްގެ ފައިސާކަމަށް ބުނުމަކީ ދަޢުވާކުރާ ފަރާތުގެ ދަފްޢު ކަމުން އޭގެ ބުރަ އޭނާގެ މައްޗަށް އޮވެއެވެ. އެ ދަފްޢު ހެކިން ސާބިތުނުކުރެވި ވާޤިޢާތަކުންވެސް ސާފުނުވާތީ ޙުކުމް ޤާއިމްކުރެވުނެވެ.