2015/HC-A/47

ސިވިލް ކޯޓުން، އިންވޮއިސްތަކުގައިވާ މުދާ ލިބިފައިވާތީ ފައިސާ ދެއްކިކަން ސާބިތުކުރުމަކީ ފުއާދު ޒާހިރުގެ މަސްއޫލިއްޔަތެއް ކަމަށާއި ޓީޓީތަކަކީ މުޢާމަލާތުގެ މާކުރީގެ އެހެން ފަރާތަކަށް ހެދި ޓީޓީ ކަމަށް ކަނޑައަޅައި، ފައިސާ 6 މަސްދުވަހުގެ ތެރޭގައި ދެއްކުމަށް ޙުކުމްކުރިއެވެ.

ފަހުން ފައިސާ ދައްކާ ގޮތަށް މެޕް އެކްސްޕޯޓްސް ލިމިޓެޑުން ފުއާދު ޒާހިރަށް ދެ ފަހަރަކު މޭވާ ޝިޕްމަންޓް ފޮނުވި ކަމަށާއި، އޭގެ ތެރެއިން 18,654.65 ޑޮލަރު ނުދައްކާ ކަމަށް ބުނެ ދަޢުވާކުރިއެވެ. ފުއާދު ޒާހިރު ބުނީ ފައިސާ ޓީޓީ މެދުވެރިކޮށް ސީޓީޕީ އެކްސްޕޯޓްސް އަށް ދައްކާފައިވާ ކަމަށެވެ.

ފުއާދު ޒާހިރު: އިންވޮއިސްގެ ޕޭމަންޓް ޓާމްސް ނުބައިކޮށް މާނަކޮށްފައި؛ ލެޓަރހެޑް އަދި ސްޓޭމްޕް ނެތް ލިޔުމަކަށް ރިޢާޔަތްކޮށްފައި؛ ހެއްކާބެހޭ ޤާނޫނު (24/76) ގެ 6 ވަނަ މާއްދާއާ ޚިލާފު؛ ޓީޓީގެ ފައިސާ މުޢާމަލާތާ ނުގުޅޭކަން މެޕް އެކްސްޕޯޓްސްއިން ސާބިތުނުކޮށް ކަނޑައަޅާފައި.

ފޮނުވި މުދަލުގެ ކޮމާޝަލް އިންވޮއިސްތަކުގައިވާ ފައިސާ ދައްކާފައިވާކަން ސާބިތުކުރުމުގެ ބުރަ އުފުލަންޖެހޭނީ ކޮން ފަރާތަކަށްތޯ، އަދި ފައިސާ ދެއްކިކަމުގެ ހެއްކެއްގެ ގޮތުގައި ހުށަހެޅި ޓީޓީ ލިޔުންތަކަކީ މި މުޢާމަލާތާ ގުޅުންހުރި ލިޔުންތަކެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

މުދާ ލިބުނުކަން ފުއާދު ޒާހިރު ޤަބޫލުކުރާތީ ފައިސާ ދެއްކިކަން ސާބިތުކުރުމުގެ ބުރަ އޭނާއަށް އޮތް ނަމަވެސް، ބުނުމެއް ފިޔަވައި އެހެން ހެއްކެއް ހުށަހަޅާފައި ނުވެއެވެ. ޓީޓީތަކަކީ މުޢާމަލާތުގެ މާ ކުރީގެ ލިޔުންތަކެވެ. ދަށުކޯޓުގެ ނިންމުން އުޞޫލުތަކާ ޚިލާފުވަނީ ކޮން ގޮތަކުންކަން އިސްތިއުނާފުކުރި ފަރާތަށް ބުނެދެވިފައި ނުވެއެވެ.