އިބްރާހީމް ނަފީސް ޙުސައިން ވ. އަޙްމަދު ނަޞީރު

ހިތަދޫ މެޖިސްޓްރޭޓް ކޯޓުން، މަސައްކަތް ކުރިކަން ދަޢުވާލިބޭ ފަރާތުގެ އިޢުތިރާފުން ސާބިތުވެ، ދަރަނި ދަޢުވާކުރާ ފަރާތުގެ ހުވައިން ސާބިތުވާތީ، ފައިސާ ދެއްކުމަށް ޙުކުމްކުރިއެވެ.

ގެއެއްގައި ޢިމާރާތެއް ކުރުމުގެ މަސައްކަތް ކޮށްނިންމުމަށްފަހު، މަސައްކަތުގެ އަގުގެ ބިލު 382,336.96ރ. ނުދެއްކުމުން އެ ފައިސާ ހޯދުމަށް ކޮންޓްރެކްޓަރު ގޭގެ ވެރިފަރާތުގެ މައްޗަށް ދަޢުވާކުރިއެވެ.

އިސްތިއުނާފު ކުރި ފަރާތް ބުނީ، ދަޢުވާކުރާ ފަރާތުން ހެކި ނުދައްކާ، ދިފާޢީ ލިޔެކިޔުމަށް ރިޢާޔަތް ނުކޮށް، ދިފާޢުގައި ވާހަކަ ދެއްކުމުގެ ފުރުޞަތު ނުދީ، ރިކޮންސިލިއޭޝަން ސްޓޭޓްމަންޓާއި ބިލާ ދެމެދު ތަފާތު ސާފުނުކޮށް މައްސަލަ ނިންމާފައިވާ ކަމަށެވެ.

ޢިމާރާތް ކުރުމުގެ މަސައްކަތުގެ އަގު ހޯދުމުގެ މައްސަލައެއްގައި ސާބިތުކުރުމުގެ ބުރަ އުފުލަންޖެހޭނީ ކޮން ފަރާތަކުންތޯ، އަދި ދަށުކޯޓުން ދިފާޢީ ފަރާތަށް ހެކި ހުށަހެޅުމާއި ވާހަކަ ދެއްކުމުގެ ފުރުޞަތު ނުދީ މައްސަލަ ނިންމާފައިވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

މަސައްކަތް ކުރިކަމަށް އިންކާރު ނުކުރާތީ ދަޢުވާ ސާބިތުވެއެވެ. އިތުރަށް ފައިސާ ދީފައިވާ ކަމަށް ބުނާ ދިފާޢު ސާބިތުކުރުމުގެ ބުރަ އޮތީ އިސްތިއުނާފު ކުރި ފަރާތުގެ މައްޗަށް ކަމަށާއި، ފުރުޞަތު ލިބިހުރެ ހެކި ހުށަނާޅާތީ ދަށުކޯޓުގެ ޙުކުމަށް ބަދަލު ގެންނަން ސަބަބެއް ނެތެވެ.