2016/HC-A/411

ސިވިލް ކޯޓުން، 1714/Cv-C/2015 ޤަޟިއްޔާއިން ދައުލަތުން ދަރަނިވެރި ކުންފުންޏަށް ލިބެންވާ ފައިސާއިން މި ދަރަނި ކެޑުމުގެ ބާރު ކޯޓަށް ލިބިގެންވާތީ، އެ ޙުކުމާމެދު މަތީ ކޯޓަކުން ނިންމަންދެން 229/Cv-C/2011 ގެ ޙުކުމް ތަންފީޛުކުރުން ފަސްކޮށް، ދެން ކޯޓުން އިސްނަގައިގެން ތަންފީޛުކުރުމަށް ނިންމިއެވެ.

ސިވިލް ކޯޓުގެ 229/Cv-C/2011 ޤަޟިއްޔާއިން ސާބިތުވި ދަރަނީގެ ބާކީ ފައިސާ ނުދެއްކުމުން، އަރަނިވެރި ކުންފުނިން ޙުކުމް ތަންފީޛުކުރުމަށް ތިންވަނަ ފަހަރަށް ހުށަހެޅި މައްސަލައެކެވެ.

އިސްތިއުނާފުކުރި ފަރާތުން ބުނީ ފަރާތްތައް ހާޟިރުނުކޮށް މައްސަލަ ނިންމާފައިވާކަމަށާއި، ކޯޓުން އިސްނަގައިގެން ޙުކުމް ތަންފީޛުކުރުމުގެ އުޞޫލުގެ 2 ވަނަ ނަންބަރާއި ސާބިތު ދަރަނީގެ ޤަވާޢިދުގެ 7 ވަނަ މާއްދާއާ ޚިލާފަށް ނިންމާފައިވާކަމަށެވެ.

ސާބިތު ދަރަނީގެ ޙުކުމެއް ތަންފީޛުކުރުމަށް އަރަނިވެރިޔާ އެދުމުން ބެލި މައްސަލައެއްގައި، ދަރަނިވެރިޔާ އެދުމުން ތިންވަނަ ފަރާތެއްގެ ކިބައިން ލިބެންވާ ފައިސާއިން ކަނޑައި، ޙުކުމް ތަންފީޛުކުރުން ފަސްކޮށް ކޯޓުން އިސްނަގައިގެން ތަންފީޛުކުރުމަށް ނިންމުން ރަހުނެއް ނުހިމެނޭ ސާބިތު ދަރަނީގެ ޤަވާޢިދުގެ 7 ވަނަ މާއްދާއާއި ކޯޓުން އިސްނަގައިގެން ޙުކުމް ތަންފީޛުކުރުމުގެ އުޞޫލުގެ 2 ވަނަ ނަންބަރާ އެއްގޮތްތޯ.

ދަށުކޯޓުގެ ޙުކުމް ބާޠިލު

ދަރަނިވެރިޔާގެ ހުށަހެޅުމަށް އަރަނިވެރިޔާ އެއްބަސްވެފައިނުވާތީ ރަހުނެއް ނުހިމެނޭ ސާބިތު ދަރަނީގެ މުޢާމަލާތްތަކުގައި ޢަމަލު ކުރަންވީ ގޮތުގެ ޤަވާޢިދުގެ 7 ވަނަ މާއްދާ ތަޠުބީޤު ނުކުރެވޭނެކަމާއި، ޙުކުމަކީ 15 ފެބުރުވަރީ 2015 ގެ ކުރިން ކުރި ޙުކުމަކަށްވާތީ ކޯޓުން އިސްނަގައިގެން ތަންފީޛުކުރުމުގެ އިޚްތިޔާރު ކޯޓަށް ނުލިބޭކަމެވެ.