2016/HC-A/305

ކްރިމިނަލް ކޯޓުން 17/2011 ގެ 105 (ހ) ގެ ދަށުން ޑައިމޯފިން ޓްރެފިކްކުރުމުގެ ކުށް ސާބިތުވާކަމަށް ކަނޑައަޅައި، ޢުމުރަށް ޖަލަށްލުމާއެކު 100,000 ރުފިޔާގެ ޖޫރިމަނާ ކުރިއެވެ.

މަސްތުވާތަކެތީގެ ވިޔަފާރި ކުރާކަމަށް ލިބުނު މަޢުލޫމާތަކާ ގުޅިގެން ތުހުމަތުކުރެވޭ ފަރާތް ފުލުހުންގެ ބެލުމުގެ ދަށަށް ގެންދަން އުޅުނުއިރު ބިމަށް ވައްޓާލި ޕެކެޓުތަކާއި، ޖީބުންނާއި ގެސްޓްހައުސްގެ ކޮޓަރިން ފެނުނު ޕެކެޓުތަކުގައި ޖުމްލަ 04 ގްރާމަށްވުރެ ގިނަ ޑައިމޯފިން ހުރިކަމަށް ތަޙްލީލު ރިޕޯޓުން ދައްކައެވެ.

އިސްތިއުނާފުކުރި ފަރާތުން ބުނީ ހެކި ހޯދީ ޤާނޫނުއަސާސީގެ 52 އާ ޚިލާފަށް، ތަޙްލީލު ކުރީ 2014/HC-A/323 ގެ އުޞޫލާ ޚިލާފަށް، ވަކީލެއް ހޯދުމާއި ދިފާޢުގެ ފުރުޞަތު ނުދީ، އަދި 51 (އ) ގެ މިންގަނޑަށް ދަޢުވާ ސާބިތު ނުވެ ކުށްވެރިކުރިކަމަށެވެ.

ޑައިމޯފިން ޓްރެފިކްކުރުމުގެ ކުށް ސާބިތުވާކަމަށް ކްރިމިނަލް ކޯޓުން ކަނޑައެޅީ ޤާނޫނުއަސާސީގެ 51 ވަނަ މާއްދާގެ (އ) ގެ މިންގަނޑަށް ހެކި ނުލިބި، ހައިކޯޓުގެ 2014/HC-A/323 ގެ އުޞޫލާ ޚިލާފަށް ތަޙްލީލުކުރި މަސްތުވާތަކެތީގެ މައްޗަށް، އަދި ވަކީލެއްގެ އެހީތެރިކަމާއި ދިފާޢުގެ ފުރުޞަތު ނުދީތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ފުލުހުންގެ ހެކިބަހުން ވައްޓާލި ޕެކެޓުތަކަކީ ތުހުމަތުކުރެވޭ ފަރާތުގެ އެއްޗެއްކަން ސާބިތުވާކަމާއި، ތަޙްލީލު ކުރީ ކަނޑައެޅިފައިވާ ހަމަތަކާ އެއްގޮތަށްކަމާއި، ވަކީލެއް ހަމަޖެއްސުމަށް މުހުލަތާއި ފުރުޞަތު ދީފައިވާކަމާއި، ހެކިންނާއި ޤަރީނާއިން 51 (އ) ގެ މިންގަނޑަށް ދަޢުވާ ސާބިތުވާކަމަށް ކޯޓުން ކަނޑައެޅިއެވެ.