2014/HC-A/241

ކްރިމިނަލް ކޯޓުން ޑައިމޯފިން ޓްރެފިކުކުރުމުގެ ކުށުން ކުއްވެރިކޮށް، ޢުމުރަށް ޖަލަށްލުމާއެކު 100,000 ރުފިޔާގެ ޖޫރިމަނާ ކުރިއެވެ.

ފުލުހުންގެ ބެލުމުގެ ދަށަށް ގެންނަން އުޅުނު ވަގުތު ތުހުމަތުކުރެވޭ ފަރާތް އެއްލާލި ޓިޝޫ ކަރުދާސްގަނޑެއްގެ ތެރެއިން 7 ރަބަރު ޕެކެޓު ފެނި، ތަޙްލީލު ރިޕޯޓުން ޖުމްލަ 8.4752 ގްރާމް ޑައިމޯފިން ހުރިކަން ދެއްކިއެވެ. ތަކެތީގައި 3 ބާވަތެއް ހިމެނުނެވެ.

އިސްތިއުނާފުކުރި ފަރާތުން ބުނީ ތަޙްލީލު ރިޕޯޓުގައި ފުށުއަރާ ކަންތައް ހުރިއިރު ތަޙްލީލުކުރި ފަރާތްތައް ޙާޟިރުނުކުރާކަމަށާއި، 3 ބާވަތުގެ ޖުމްލަ 6.4946 ގްރާމް ކަމަށާއި ޑައިމޯފިން 4 ގްރާމްއަށް ނުފޯރާކަމަށާއި، ޤާނޫނުއަސާސީގެ 51 ވަނަ މާއްދާއާ ޚިލާފުކަމަށެވެ.

ޑައިމޯފިން ޓްރެފިކުކުރުމުގެ ކުށުގައި، ފެނުނު ތަކެތީގައި ޤާނޫނުގައި މަސްތުވާތަކެތީގެ ގޮތުގައި ނުހިމެނޭ ބާވަތްތައް އެއްކޮށްފައި ހުރިއިރު 4 ގްރާމްގެ މިންވަރު ބަލަންވީ ޖުމްލަ ބަރުދަނަށްތޯއާއި، ތަޙްލީލުކުރި ފަރާތް އިސްތިއުނާފުގެ މަރުޙަލާގައި ޙާޟިރުކުރަންޖެހޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ޤާނޫނު ނަންބަރު 17/2011 (މަސްތުވާތަކެއްޗާބެހޭ ޤާނޫނު) ގެ 139 ވަނަ މާއްދާގެ (ށ) ގެ ދަށުން ބަރުދަން ބަލަންވީ ޖުމްލަ ބަރުދަނަށް ކަމުން، 4 ގްރާމަށްވުރެ ގިނަ ވާތީ 134 (ބ) އާއި 135 (ބ) ގެ ދަށުން ޓްރެފިކުކުރުމަށް ކަމުގައި ބެލެވެއެވެ. ތަޙްލީލުކުރި ފަރާތް ޙާޟިރުކުރުމުގެ ފުރުޞަތު ދަށުކޯޓުގައި ލިބުނު ނަމަވެސް ބޭނުން ނުކުރާއިރު، އެކަމުން ޙަޤީޤަތްތަކަށް ބަދަލެއް ނައާދެއެވެ.