2015/HC-A/336

ދ.ކުޑަހުވަދޫ މެޖިސްޓްރޭޓް ކޯޓުން، ހަތަރު ފިރިހެނުންގެ ހެކިބަހުން ދަރަނި ސާބިތުވާކަމަށް ކަނޑައަޅައި، ކޮންމެ މަހަކު ކޮޅަކުން ފައިސާ ދައްކަން ޙުކުމްކުރިއެވެ.

ދޯންޏަކުން ބޭނި މަސް ފަހުން ފައިސާ ދޭގޮތަށް ގަނެ، އެ މަހުގެ އަގު ނުދައްކާތީ، އެފައިސާ ހޯދުމަށް ވިއްކި ފަރާތުން ދަޢުވާކުރި މައްސަލައެކެވެ. ގަތް ފަރާތުން ގަތްކަމާއި އަގަށް އިޢުތިރާފުވެ، ފައިސާ ދީފައިވަނީ ތިންވަނަ ފަރާތަކާ ކަމަށް ބުނެއެވެ.

އިސްތިއުނާފުކުރި ފަރާތުން ބުނީ، ހެކިބަސްދިން ހެކިންނަކީ މިފައިސާއިން ބައިލިބޭ ފަރާތްތަކަށްވާތީ، އެ ހެކިބަހަކީ ހެކިބަސް ނެގުމުގެ ޝަރުޠުތައް ފުރިހަމަނުވާ ހެކިބަހެއް ކަމަށާއި، ޤާނޫނު ނަންބަރު 13/2010 ގެ 5 ވަނަ މާއްދާއާ ޚިލާފު ކަމަށެވެ.

ދަރަނި ސާބިތުކުރުމުގައި ދަށުކޯޓުން ބަލައިގަތް ހެކިބަސް ޝަރުޢީ ޝަރުޠުތައް ފުރިހަމަވާ ހެކިބަހެއްތޯއާއި، ގަތް މުދަލުގެ އަގު ދައްކާފައިވާކަމަށް ދަޢުވާ ލިބޭ ފަރާތުން ބުނާއިރު، އެކަން ސާބިތުކުރުމުގެ ބުރަ އުފުލަންޖެހޭނީ ކާކުތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ގަތްކަމާއި އަގަށް އިޢުތިރާފުވެފައިވާއިރު، ފައިސާ ޙަވާލުކުރިކަމަށް ބުނާ ފަރާތް އެކަން އިންކާރުކޮށް، ފައިސާ ދިނީ ދަޢުވާ ލިބޭ ފަރާތުގެ ބޭބެ މެދުވެރިކޮށް ކަމަށް ބުނާއިރު އެ ބޭބެގެ ހެކިބަސް ޝަރުޢީ ގޮތުން ޤަބޫލުނުކުރެވޭތީ، އަދި ފައިސާ ދައްކާފައިވާކަން ސާބިތުކުރުމުގެ ބުރަ އޮތް ދަޢުވާ ލިބޭ ފަރާތުން އެކަން ސާބިތުވާ ހެއްކެއް ހުށަނާޅާތީ، ޙުކުމަށް ބަދަލު ގެންނަންޖެހޭ ސަބަބެއް ނެތެވެ.